HT - 3

"Hi po, Tita Anna! Good morning po! Si Alistair po?" 

Napahinto ako sa paghakbang pababa ng bahay namin nang marinig ang boses na iyon. Ang boses ni Xerxes.

"Nasa k'warto pa niya, Xerxes, iho. Pero, pababa na rin si Ali. Bihis na bihis ka yata, saan ang punta niyo ngayon?" 

Napakunot ang aking noo at naguguluhan sa kanilang usapan. Nakabihis si Xerxes? May pupuntahan ba kami na nakalimutan ko? 

Kinagat ko ang aking kanang kamay at pilit na inaalala kung may lakad ba kami ngayong araw. 

"Wala talaga. Wala siyang sinabing may lakad kami ngayon." Nakakunot na ang aking noo at pilit na inaalala sa aking isipan kung may sinabi ba talaga siya sa akin pero wala talaga akong maalala.

"Ako lang po, Tita Anna. Pinapapunta po kasi ako ngayon ng adviser namin sa school." 

Huh? Pinapapunta siya ni Mrs. Reyes sa school? Para saan? Bakit 'di niya sinabi sa akin kahapon ang tungkol doon?

Inayos ko muna ang aking sarili at pinakalma na parang wala akong narinig tungkol sa sinabi niya.

Ngumiti akong bumaba sa sala namin at natanaw ko sa hamba ng pinto ng kusina si Xerxes, nakatayo siya roon habang may ngiti sa kanyang labi. 

Sa huling palapag ng hagdan, napalakas ang pagtapak ko roon na siyang lumikha nang malakas na ingay kaya napalingon sa akin si Xerxes. 

"Hi, babe," aniya sa akin at lumapit ito sa kinaroroon ko. 

"Ba't bihis ka? Saan ka pupunta?" walang ganang tanong ko sa kanya kahit alam ko kung saan naman talaga dahil narinig ko ang usapan nila ni mommy.

Ngumiti siya sa akin parang 'di niya narinig ang tanong ko sa kanya. Inayos niya ang kanyang salamin sa mata. 

"Eat your breakfast first. Looks like you slept a lot, ang aga mo nakatulog kagabi. Nabasa mo ba iyong text messages ko sayo?" pagtatanong niya sa akin at pinalibot niya ang kanyang kaliwang kamay sa aking bewang. 

"K-kanina ko lang nabasa," I lied to him.

Nabasa ko kagabi ang text messages niya. After nu'n 'di agad ako nakatulog parang nakalutang ang isipan ko buong gabi. 'Di ko na nga namalayan kung anong oras na ng makatulog ako sa kakaisip. 

Ngumiti na naman siya sa akin at nawala ang mata niya dahil doon. "You look really tired from where we went yesterday. Ang aga mo kasi ako tinulugan kagabi 'di tuloy tayo nakapag-facetime." malambing niyang sabi sa akin.

Dinala niya ako sa dining namin, nakita ko roon si mommy na busy maghiwa ng mga gulay. 

"Good morning, princess!" bati niya sa akin. 

Masaya ang awra ni mommy ngayon. Ano kaya mayro'n?

"Good morning din po, mommy. Nasa work na po ba si daddy?" pagtatanong ko sa kanya, busy pa rin siya magbalat at maghiwa ng mga gulay.

Nakita kong tumango siya sa akin. Pinaupo ako ni Xerxes sa dining chair namin. "Pagsisilbihan kita ngayon, babe." bulong niya sa akin pero sapat para marinig ko. 

Nahihiya niya kay mommy. Napailing na lang ako sa kanya habang kumukuha siya ng malaking bowl,  kutsara at baso. Nilapag niya iyon sa aking harapan. Sunod na tinungo niya ay ang refrigerator namin, kinuha niya roon ang fresh milk and cereals ko. 

Napatingin ako sa gawi ni mommy, nakangiti itong nakatingin kay Xerxes. Botong-boto talaga sila kay Xerxes maging sila Tita Mia na mommy ni Xerxes ay boto rin sa akin. 

Kaya ang balak nila 'pagkagraduate namin ng college, ikakasal agad kaming dalawa. Ang tanong matutuloy kaya iyon kung nagpapahirap itong sakit ko. Sana maging totoo pa ang pangarap nila sa amin.

"Is there something on my face? You're staring at me, am I so handsome right now?" pilyong sabi nito sa akin, nakahugis check pa ang dalawang daliri niya at nilagay niya iyon sa ilalim ng kanyang labi. 

"Your cheek is already red, babe. I know I'm handsome, Ali-babe. I am only yours, this handsome and smart man named Xerxes." dugtong pa niyang sabi at inayos ang kanyang buhok. 

Napangiwi na lang ako sa kanyang sinabi. Sabay kaming napalingon ni Xerxes ng marinig naming tumawa si mommy. 

"Ganyan-ganyan din ang mga daddy niyo sa amin ni Mia. Kay Zark mo natutunan niyan, Xerxes?" pagtatanong ni mommy sa kanya habang nakapamewang  pa itong nakatingin sa amin. 

Nakita ko namang napakamot sa buhok niya si Xerxes, "opo, tita." Sabay yuko niya. 

Nahiya na naman siya kay mommy.

"Hanggang ngayon pa rin napaka-corny ng daddy mo, Xerxes. Parehas sila ni Alejandro. Naku, ikaw na bata ka, 'wag ka makikinig doon sa daddy mo. Makaluma ang mga banat ng mga iyon." mahabang paliwanag ni mommy at saka bumalik sa paghihiwa. 

Hindi pa rin siya tapos sa ginagawa niya?

"Si mommy talaga. Makaluma nga ang banat nina daddy at Tito Zark pero nakuha naman kayo ni Tita Mia sa mga gano'n. Kilig na kilig pa nga po kayo ng i-k'wento niyo sa akin ang lovestory niyo po." sabat ko sa kanilang usapan. 

Sumubo na ako ng cereals ko at si Xerxes naman ay umupo sa aking tabi, hinila niya ang isang upuan. 

"Iyon nga, mga anak! Kilig na kilig kami ni Mia noon pero habang tumatagal ang pick-up lines nila nagiging corny na rin. Hindi man lang humanap ng bago, ang dami kaya sa internet." anito sa amin, nakaharap siya at hawak pa ni mommy ang kutsilyo sa kanang kamay niya. 

Napangiti na lang kami sa isa't-isa ni Xerxes. Ang magulang talaga namin. 

Napatigil ako sa aking pagsubo ng mag-ring ang aming telepono, tatayo na sana si Xerxes pero inawat siya ni mommy. 

"Ako na, Xerxes. Baka ang asawa ko niyon. D'yan muna kayong dalawa, ha?" Tumango kami sa kanya at parang sinisindilan ng asin si mommy ng lumakad ito palabas ng dining. 

Kinikilig pa rin talaga siya kay daddy. Corny raw ang banat. 

Nakita kong sumilip sa kanyang wristwatch si Xerxes. May pupuntahan pa pala ang isang ito. 

"Late ka na ba? Anong oras ka ba pinapapunta ni Mrs. Reyes sa school?" pagtatanong ko sa kanya habang 'di inaalis ang aking tingin sa mukha ni Xerxes.

"Alas-nuwebe, babe." 

Tumingin ako sa likuran ko kung nasa'n nakasabit ang orasan namin dito sa dining, fifteen minutes na lang mag-nine o'clock na. 

"Lumakad ka na, Xerxes. Baka importante niyang sasabihin ni Mrs. Reyes. Ayos na ako rito. Sige na, ingat ka ha?" ngiting sabi ko sa kanya pero sumimangot siya sa akin. 

"Hatid mo ko sa gate niyo," pagpapaawa niyang sabi sa akin. 

Nakanguso ito sa akin at ang kanyang mata ay nagmamakaawa. 

"Aish, tara na nga." Tumayo ako sa aking kinauupuan, tinakpan ko muna ang pagkain ko. 

"Mom, ihahatid ko lang po si Xerxes sa labas!" Winagayway ni mommy ang kamay niya sa akin at kilig na kilig sa kausap niya sa telepono. 

"Si daddy na naman siguro ang kausap ni mom," aniya ko at umiling. 

"I got to go, babe." aniya at hinalikan ako sa aking noo.

"Text ka ha? Ingat!" Sabay kaway ko sa kanya. 

Nawala na naman ang aking ngiti nang mawalansiya sa aking paningin. Lalaban ako, Xerxes. Lalaban ako.