Kabanata 09

KINAUMAGAHAN, pagmulat ng aking mga mata, ang una kong nakita ay isang 'di pamilyar na mukha. Sa sobrang lapit ng mukha niya sa akin ko ay halos maduling na ako.

Napabalikwas naman ako mula sa pagkakahiga nang ma-proseso ko na ang nangyayari ngayon sa utak ko.

“Sino ka?!” agad na tanong ko rito.

Napaatras naman ako hanggang sa mapunta ako sa puwesto ni Ohani sa kama. Saka ko lang din napagtanto na nasa gilid lang pala si Ohani. Naka-ekis pa ang kaniyang dalawang braso habang nakatitig ito ng seryoso sa babaeng nasa harapan namin.

“Jenna, stop that! You're scaring him. Know your limits!” saway naman ni Ohani rito.

“Okay fine,” pagsuko nito at ngumiti naman ito sa akin. “Sorry dahil nagulat kita. By the way, I am Jenna.” dugtong pa niya.

Nagpalipat-lipat naman ang tingin ko sa kanilang dalawa.

“You are?” tanong nito sa akin. “Sorry, ayaw kasi sabihin sa akin ni Ohani ang pangalan mo.” dugtong pa niya at saka tinarayan pa nito si Ohani. Tinarayan din naman ito ni Ohani pabalik.

Pinakalma