Chapter 5 Offer

MONICA:

PANAY ANG pahid ko ng luha habang palakad-lakad dito sa labas ng operating room ng hospital na pinagdalhan kay Aldrich ng mga taong nakakita sa kanyang nakahandusay sa isang parking lot ng bar na pinuntahan nito. Mabuti na lang at hindi pa naibababa ang linya kaya naka-usap ko pa ang mga ito at sila ang nagsabi ng kalagayan ni Aldrich!

Nanginginig ang buong katawan ko at hindi mapakali sa mga nangyayari. Hindi ko pa batid kung bakit ito sinaksak ng kung sino man. Hindi ko rin maitawag kina Ma'am Diane ang nangyari sa anak nila dahil tiyak na nag-aalala ang mga iyon! Hindi ko pa ala ang buong nangyari. Baka mamaya niyan ay napagulo lang si Aldrich. Ayaw na ayaw pa naman niyang nagsusumbong ako sa mga magulang niya kaya hindi ako nagre-report ng mga kalokohan nito.

Natigilan ako nang bumukas ang pinto at niluwal non ang isang nurse. Kaagad akong lumapit na nagpahid ng luha.

"Ma'am, kumusta si Aldrich? Humihinga pa naman siya 'di ba? Jusko! Hwag naman sanang nategi na ang playboy na 'yon! Hindi ko pa nga nahahalikan ang mokong na 'yon, e!" natatarantang bulalas ko.

Napahagikhik naman ang nurse na kaharap kong ikinatigil ko sa pago-overthink!

Nahiya ako bigla. Gumapang ang init sa mukha ko na naiiling na napakamot sa ulo.

"Sorry, Ma'am--"

"Ha?! Hindi! Hindi! Hwag mong sabihing nategi na ang alaga ko! Hindi pwede, hindi! Aldrich!" pagwawala kong ikinatawa nito.

Parang umurong pabalik ang mga luha ko sa pagtawa nito na tila tuwang-tuwa pa sa naging reaction ko!

"Pinagtatawanan mo ba ako?" pagalit ko ditong natigil sa pagtawa at napaayos ng tayo.

Nagpahid ako ng luha na inayos ang buhok ko.

"Sorry, Ma'am. Ang oa niyo po kasi. Patapusin niyo kasi muna ang sasabihin ko," nakangiting saad nito.

Napahinga ako ng maluwag na napalapat ng kamay sa dibdib. Para akong nabunutan ng tinik sa dibdib sa sinaad nito. Ngumiti itong napatikhim.

"Ligtas na po si Sir, Ma'am. Maya-maya lang o bukas ay magigising na siya. Mabuti na lang hindi malalim ang mga saksak. Niya at wala ding natamaan sa mga organs niya," malinaw nitong pagpapaliwanag.

Napatango-tango ako.

"Ah, masamang damo nga. Hindi sinundo ni San Pedro. Baka nga naman patusin niya lahat ng angels sa langit," bulalas kong ikinahagikhik nito.

"Hehe," napapangiwing tawa ko na napapakamot sa ulo.

Naiiling naman itong tawang-tawa pa rin sa akin.

Mukha ba akong clown sa paningin niya? Kung makatawa naman ang ate na 'to. hmft!

NANGINGITI AKONG marahang hinahaplos ang makinis na pisngi nito habang payapang nahihimbing sa kama. Kahit paano ay makahinga na ako ng maluwag at napanatag ang loob na okay na ito. Ligtas na siya sa muntikang pag-akyat sa totoong langit.

"Ano bang nangyari? Bakit ka sinaksak? Walang hiya ang nanaksak sayo, ha? Hindi yata nila kilala kung sino ka. Isumbong ko kaya ang mga iyon kay Ma'am Diane? Tignan ko lang kung hindi pasabugin ni Ma'am maging buong angkan nila," bulalas ko habang hinahaplos sa ulo si Aldrich.

"Yan ang hwag na hwag mong gagawin,"

"Sabi ko nga. Hindi. Ayt!!" napatili ako na malingunan itong nagsalita!

"Aldrich! Buhay ka! Buhay ka pa! Tangina mo, pinag-aalala mo ako!" tili ko na nayakap ito.

"Salamat buhay ka?! Salamat talaga! Lumaban ka ba para sa akin, hmm!?"

"Urghh! Shit, Monica. Ang s-sugat ko, pinadugo mo na," napapadaing nitong ungol.

Namilog ang mga mata ko na maalalang may mga tahi nga pala ito sa tyan shutah! Nawala sa isip ko dala ng labis-labis na tuwang nagising na ang poging mokong!

"Ops, sorry. Masakit ba?" aniko na napadantay ng palad sa tyan nito.

"Urghh! Ano ba, natural masakit. Wala ng bisa ang gamot niyan. Pambihira ka naman. Ooh," reklamong ungol nito na ikinahagikhik ko. Sinamaan naman ako nito ng tingin.

"Gusto mo yata akong matuluyan e," ingos nito na napapanguso.

"Hindi ah. Bakit ko naman gugustuhin na matigok ka? 'Di mawawalan na ako ng alagang mokong. Paano na ang pag-aaral ko, pag nagkataon?" walang prenong sagot ko.

Mahina itong natawa na impit na napadaing at napahaplos sa tyan.

"Damn, Nics,"

"Hwag mo naman akong murahin. Mahalin mo na lang," nguso ko na bahagyang hininaan ang huling sinabi.

"Anong sabi mo?"

"Wala,"

"Meron. May sinabi ka e," pangungulit pa nito.

Napatitig ako dito. Unti-unting napangisi na hinawakan ang tyan nitong impit nitong ikinadaing.

"Urghh! Masakit! Ano ba!?" napapaungol na asik nito. Napahagikhik ako.

"Mababaw lang naman sabi nung nurse e," ingos ko.

"Kahit na tahi pa rin 'yan. Ang sama mo naman sa akin," reklamo nito.

Natigilan ako na maalala kung bakit nga ba ito nasaksak!

"Aldrich,"

"Ano?" pagsusungit nito.

"Bakit ka sinaksak? May nakaaway ka ba?" tanong ko.

Natigilan ito na naipilig ang ulo. Nasasabik naman ako sa sasabihin nito. Hwag naman sanang napaaway ito dahil sa babae!

"Mokang,"

"Hwag mo nga akong tawagin niyan! Ang bantot eh!" asik ko na tinawag niya ako sa alyas ko noong bata pa lang ako.

Napahagikhik ito na ikinabusangot ko.

"Ahem! Sorry," napapatikhim nitong paumanhin.

Napairap ako dito na humalukipkip.

"Tanda mo si Cielo?" seryosong tanong nito.

Umasim ang mukha at sikmura ko na sinambit nito ang babaeng parot noong nakaraan.

"Oh, bakit? Anong meron kay parot?" ingos ko dito.

"May asawa na pala 'yon,"

"Good for her, teka---" natigilan akong namilog ang mga mata na napatitig dito na makuha ang sinaad nito.

"May asawa na!?" bulalas kong ikinatango-tango nito.

"Wow, ang galing! Napakalandi naman talaga. May asawa na pala ang parot na 'yon pero nagpatuka pa rin sayo. at ikaw naman na mokong ka, tinuka mo!" bulalas kong nakurot ito sa braso ng pinong-pino. Nanggigigil ako na maalala na pinaligaya na nito ang parot na 'yon!

"Hindi ko naman alam. Saka, nagbabanta 'yong asawa niya," saad nito.

Natigil ang pag-aalboroto ng dugo ko sa sinaad nito. Nakaramdam naman ako ng awa para dito na makita ang pagdaan ng takot sa kanyang mga mata.

"Anong plano mo niyan?" kalmadong tanong ko.

Napahinga ito ng malalim. Napailing na pilit ngumiti sa akin.

"Magpapalamig muna ako. Siguro kukuha na muna ako ng magpapanggap na asawa ko para tantanan na nila ako," sagot nito. Napakurap-kurap ako sa narinig.

"Mag-aasawa ka na!? Paano naman ako!?" gimbal na bulalas kong napatayo.

Nagkatinginan kami na ikinalunok ko at nag-init ang mukha sa naisatinig shutah! Nakakahiya!

"You're right, Nics. Maniniwala si Cielo na mag-asawa tayo kung ikaw ang pakakasalan ko. Total nasabi mo naman sa kanya noong nakaraan na future wife kita, 'di ba?" saad nitong tila nakakita ng pag-asa sa akin!

"T-tayo?!Magpapakasal tayo? As in? Ikaw at ako?" paniniguro kong namimilog ang mga mata.

Natawa itong napailing.

"Oo nga. Pero kapag lumamig na ang issue? Ipapawalang bisa din natin ang kasal. Madali lang naman siguro natin silang mapapaniwala dahil magkasama tayo sa iisang buong," saad pa nito na nangungumbinsi ang tono.

"Pumayag ka na, Nics," pang-uuto pa nito.

Napahinga ako ng malalim. Nakabusangot kahit deep inside ay nagdidiwang. Gusto ko ang ideya ng mokong! Kahit magpapanggap lang kami ay g ako. Maging asawa ba naman niya ako?! Ang saya!

"Anong kapalit ng pagpayag ko?" ngumiti ito na hinawakan ang kamay ko.

"Ililibot kita sa buong mundo," namilog ang mga mata kong parang tumigil sa pagtibok ang puso ko sa sinaad nito!

"Pumayag ka na. Sige kung ayaw mo, sa iba ko--"

"Game! Pakasalan mo na ako para magtigil ka na sa kalalandi sa iba!"

"Fvck!"