CHAPTER 182

GUSTONG malaman ni Yesha kung totoo bang handa na si Shawn. Ang tagal na ng problema nila. Hindi niya alam kung bakit nahihirapan sila ng ganito--- oh baka naman kasi dahil mahirap kalabanin ang sariling pamilya. Totoo man o hindi. 

"Handa na ako. Nang malaman ko pa lang na totoong may kinalaman siya sa pagkawala ni mommy, hinanda ko na ang sarili ko." Hindi napigilan ni Yesha na yakapin si Shawn. Bakas sa boses nito ang labis na galit at pagkadismaya sa sariling ama. 

Kanina si Erika ang iniisip niya, ngayon naman si Shawn na. Kung sana puwede lang niyang baguhin ang lahat. Kung sana puwede lang niyang gawan ng paraan ang lahat para sumaya ang mga mahal niya sa buhay; gagawin ni Yesha. Hindi siya magdadalawang-isip dahil alam niyang iyon ang magpapasaya rin sa kaniya. 

"What if... i-report na natin sila sa pulis?" Humiwalay si Shawn sa pagkakayakap sa kaniya. Napakunot naman ang noo ni Yesha. 

"Why?" 

"Hindi natin sila puw