CHAPTER 139

NAUPO si Shawn sa sofa kung saan katabi niya ang ina ni Yesha. Kahit masakit ang kaniyang batok, talagang dumiretso siya rito. Gusto niyang makita si Yesha. Masyado nang magulo ang kaniyang araw kanina. Kailangan niya ng inspiration na makikita.

Kailangan niyang makita ang kaniyang nobya.

Napatayo siya nang biglang bumaba si Yesha. Para pa rin itong isang reyna sa kaniyang mata. Hindi niya maalis ang kaniyang tingin. Aware siyang maraming tumitingin kay Yesha at hindi niya maiwasang hindi mainis kapag nakikita iyon. Yesha is for him only. "Hi, love..." mukhang antok pa nitong bati nang makalapit sa kaniya. Ilang oras lang silang naghiwalay, pero pakiramdam niya ay miss na miss na niya ang babae. Hindi niya maiwasang hindi ito yakapin.

"Hi, love. Nakatulog ka ba?" kumusot naman ng mata si Yesha saka tumango. Narinig naman nila ang pagtikhim ng ina nito dahilan upang mamula ang mukha ng babae katulad ng dati.