CHAPTER 135

TULAD ng pinag-usapan nila Shawn kanina. Si Yesha ang pinapili nito. Napapansin niyang medyo may kakaibang kinikilos ang dalawa pero hindi naman niya magawang tukuyin kung ano iyon.

Abala sa pag-uusap ang dalawa samantalang lumilipad naman ang kaniyang isipan. Sa opisina, nahihirapan siyang makasama si Kristle. Alam niyang binabantayan nito ang kaniyang kilos. Kung hindi naman dahil kay Yesha, wala naman siyang balak na tanggapin ito, e. Wala siyang balak na papasukin ito sa kaniyang opisina. At isa pa, ayaw niyang makagulo ito sa kanilang dalawa. Mabuti na lamang at nabunutan siya ng tinik kahit papaano sa kaniyang dibdib kahit na masakit para sa kaniya na malamang ang ama niya ang may gawa ng lahat ng ito.

Kahit gusto niyang kumilos, kahit gusto niyang pagbayarin ito, hindi pa rin niya kaya. Hanggang walang ginagawang kahit na anong makakapanakit sa kanila ang kaniyang ama. Mananahimik na lang muna siya. Hindi siya kikilos o mangunguna. Ku