Chapter 37.3

Halos isang oras nang nakakaalis ang pamilya Del Fuego ngunit hanggang sa mga oras na iyon ay nananatili pa ring nakatulala si Serene habang nasa harap ng hapag. Halos matapos na ngang iligpit ng kaniyang ina ang mga ginamit nilang pinagkainan. Tulala pa rin siya dahil hind pa rin siya makapaniwala sa mga nagyari.

Paano ba naman ay nai- set na ang kanilang kasal at sa susunod na buwan na iyon, katapusan na ngayon kaya halos ilang linggo na lamang ang hihintayin nila.

Napapikit na lamang siya at pagkatapos ay napahilot sa kaniyang sentido dahil pakiramdam niya ay tila ba sasabog ang ulo niya sa dami ng iniisip niya. Idagdag pa na hindi maalis sa isip niya ang sinabi ni Luther na sumabay na lamang sila sa gusto ng mga magulang nila dahil wala naman silang magagawa na kung tutuusin ay magagawa naman sila kung ayaw talaga nila.

Hindi naman pwedeng magpakasal sila dahil lang sa gusto ng mga magulang nila na labag sa kalooban nila, pero si Luther ay hindi man lang niya kinakitaan ng kahit k