CHAPTER 6

Naguguluhan si Adella sa pinag uusapan ng mga kaharap. Pero kung anumang tulong ang maiprisenta ng mga ito, tatangapin niya. Kailangan na kailangan niya ang tulong kahit ano pa 'yun. Natatakot siya na baka maulit ang nangyari kanina, kapag nagpagala gala pa siya sa kalsada.

Muli siyang pinagmasdan ng tatlo.

"Sabagay tama ka, mars. Maganda nga si Inday," anang bakla pagkaraan ay ngumiti sa kanya.

"By the way, ako si Kimmy. Tapos siya si Ritzel." Turo ng bakla sa may kulay ang hair.

"Ito naman si Marjorie. Ikaw? Anong pangalan mo?"

"Adella, galing ako sa probinsya," nahihiya niyang sabi.

"O s'ya Adella, since wala kang matirhan, tuloy ka muna sa tinutuluyan namin. Tapos doon namin sasabihin sa'yo ang alok namin, baka magustuhan mo."

Ngumiti siya at nanlaki ang mga mata niya. Hindi makapaniwala na may mabuting puso na tutulong sa kanya.

"O tara, sumunod ka sa amin Adella. Hayun 'yung apartment namin oh." Sabay turo sa may looban. Sumunod siya sa tatlo. Natatawa siya sa pakendeng kendeng ni Kimmy.

Nakarating sila sa apartment. Okay naman, dalawa ang kwarto nun, may sariling palikuran at maliit na sala at kusina. Maayos ang apartment ng mga 'ito, halatang mahal ang renta.

"Umupo ka diyan, inday. Gagawa lang akong kape natin. Tsaka tayo magusap-usap, okee?" Nakapilantik pa ang mga kamay ng bakla habang kinakausap siya. Tumango siya. Umupo rin sina Marjorie at Ritzel. Abala ang mga ito sa cellphone.

Maya maya pa, bumalik na si Kimmy. Tangan ang tray na may apat na baso ng kape, inilapag iyon sa lamesita na nasa gitna nila. Pagkaraan ay maarteng umupo si Kimmy.

"Ganitetsch yan inday. Kaming tatlo nagtatrabaho sa isang night club sa may españa." Panimula ng bakla. Ikinagulat niya iyon.

"Pero bago ka mag-react pakinggan mo muna ako okiie? Ang dalawang 'yan pole dancer, minsan stripper ang mga gaga, kapag gustong maka extra ng pera. Mukha kasi silang pera." Mahabang sabi ni Kimmy, pero pabiro na tinawanan lamang ng dalawang babae.

"And one more thing. Hindi basta basta pipitsuging Night club lang ang Stary night. High-end mga cocktails doon, tapos ang nga customers ng bar ay mga bachelors, mayayamang business tycoon at mga nagsasarapan at naggagwapuhan na lalaki, inday!" Malanding patuloy nito.

"And isa pa, nasa sa'yo naman ang desisyon kung sasayaw ka lang, or magpapalabas at magpapagamit sa customer. Hindi ka pipilitin ni Madam." - Kimmy

Kinakabahan siya sa ganoong trabaho. Pero kailangan niyang kumapit pansamantala roon, isa pa, mahihirapan siyang makahanap ng trabaho sa manila, wala siyang pinag aralan at hindi pa niya kabisado ang lugar. Baka marami manamantala ng kanyang kainosentihan.

"Ano Inday? Bet mo ba?"

"H-hindi ba pwedeng maging waitress na lang doon?" Usisa niya.

"Pwede naman. Ang kaso walang bakante, ang pwesto ni Mara ang magiging bakante. Pole dancer iyon, sayang din Inday. Malaki ang kita. Tapos baka kapag maraming VIP customers na nagkagusto sa'yo, magiging Star ka ng club. Tapos mas tatas ang f*e mo."

Ang galing mang-enganyo ni Kimmy. Pero tila totoo naman ang sinasabi nito.

"E-eh ikaw? Anong trabaho mo sa club?" Hindi niya napigilang itanong.

"Floor manager niyo ako." Proud nitong sabi at hinawi pa ang maiksing buhok na tila ang haba nun.

"Bongga si bakla, hindi ba?" Natatawang sabi ni Ritzel.

"Ano Adella? Gusto mo ba?" -Kimmy.

Hindi na siya nag isip kung tama mali ang gagawin niya. Ang importante maka-survive siya pansamantala. Mag-iipon siya, tapos kapag naka-ipon na siya aalis din siya sa bar.

"Sige. Gusto ko," aniya matapos ang mahabang sandali.

"Talaga? Ang dali mong kausap! For sure tatangapin ka ni Madam. Mas maganda ka pa kay Mara at feeling ko bagay na bagay sa'yo ang maging pole dancer."

"Pole dancer?" Ulit niya.

"Oo. Ay basta! Ipapaliwanag at ipapakita ko sa'yo bukas. Sama ka sa amin okiie? For now, kailangan mo munang magpahinga. I mean, tayong lahat. Bangag na kami day!" Tumayo bigla si Bakla.

"Sa kwarto ka ni Ritz matugol, inday. Magkasama kasi kami ni Marj sa isa."

"Sige na bakla. Ako na ang bahala kay Adella," ani Ritz. Tumayo na rin si Marj.

"Good night girls," anito at sumunod sa pakendeng kendeng na si Kimmy. Kahit bagong kilala pa lamang niya sa mga ito, nararamdaman niyang mabubuting tao ang tatlo, kahit sa kabila ng mga trabaho ng mga ito.

"Adella, tara sleep na tayo." Tumayo ang nakangiting sj Ritz. Nahihiya na rin siyang tumayo at sumunod sa babae.

Kailangan niya ulit magpahinga. Bukas panibagong buhay ang haharapin niya, sana lamang ay malampasan niya.

______________________________________________

__________________

Kinabukasan nabigla siya nang makita ang oras paggising niya. Ala una na ng tanghali!

Wala na sa tabi niya si Ritz, nakakahiya naman at tinanghali siya ng gising. Inayos niya ang buhok na humaba haba na, pagkahawak sa buhok niya ay bigla niyang naalala si Kuya Hector. Gusto na naman niyang maiyak sa pagkamiss sa lalaki.

"Kuya Hector, alam kong hindi mo magugustuhan ang papasukin ko. Patawad po. Pero ito lang muna ang paraan ko para maka-survive. Promise, hindi ako magtatagal doon. Maghahanap ako ng mas maayos na trabaho," sabi ni Adella sa sarili. Tila kinakausap sa kawalan ang kanyang Kuya Hector.

Bumaba na siya mula sa kama at lumabas ng kwarto. Nasa labas ang tatlo. Si Kimmy na nakaupo at kumakain, at sina Ritz na naglilinis ng kuko.

"Hello Adella, kain ka na muna," ani Kimmy.

"Sabayan mo na ako dito."

Sakto, kumakalam na ang sikmura niya.

"Hindi ka na namin ginising, beauty rest ka eh. Para mamaya mas glowing kang makita ni Madam."

Natawa siya. Umupo at sumandok ng pagkain.

"A-anong oras tayo pupunta sa club?" Nahihiya pa niyang tanong. Medyo nag aalangan pa siya eh. Hindi siya sanay makipag usap talaga sa tao.

"Bago mag alas sais ng gabi aalis na tayo dito. Siempre mag aayos pa pagdating doon. Kinakabahan ka ba?" anito habang lumalantak.

Napatango siya.

"Okay lang 'yan Adella. Isa lang sasabihin ko sa'yo, huwag mong iisiping marumi ang trabahong ito. Hindi lahat ng nagtatrabaho sa club ay marurumi," sabi pa nito. Muli siyang napatango.

"Sige na kumain ka na, tapos aayusin ka namin. Para naman presentable ka at hindi probinsyana ang dating mo Inday."

"Sige. Salamat," tanging nasabi niya at sumubo na ng pagkain.

Pagkatapos kumain, nilinisan pa siya ng kuko ng mga ito, pinaligo at inayos ang kanyang buhok. Pinaghanap ng mga damit na babagay sa kanya.

"Bongga! Napaka fresh at ganda mo, Inday. Hindi tulad nina Ritz, bilasa na." Biro ng bakla na ikinatawa nila. Parang clown si kimmy. Napapagaan nito ang kabang nadarama niya nang mga oras na iyon.

"Medyo masyado atang litaw ang cleavage ko?" Sabi niya at napatingin sa may harap niya. Natawa ang tatlo

"Kailangan 'yan Adella. Tsaka magiging Asset mo 'yang palitaw cleavage," ani Marj.

Hindi na lang siya kumibo. Hindi siya sanay magsuot ng ganoon. Siguro kailangan na lang niyang sanayin ang sarili. Ito na ang bagong buhay niya ngayon,

_____________________________________________

___________________

Kanina pa lamang sa taxi ay kabado na si Adella. Lalo na ngayon na nasa harapan na siya ng Night Club. Tama si Kimmy, hindi basta basta Club 'yun. Mukhang pangmayaman talaga. Hindi niya akalaing may ganitong night club, malayong malayo sa mga nakikita niya sa probinsiya nila.

Kumapit sa braso niya si Kimmy.

"Don't be nervous, Inday. Kami ang bahala sa'yo dito. Hindi namin hahayaan na gagawin mo ang mga bagay na ayaw mo."- Kimmy.

Napangiti siya. Kahit paano nabawasan ang kabang nadarama niya.

Dumaan sila sa isang pinto. Hindi sa mismong entrance. Siguro ito talaga ang daanan ng mga nagtatrabaho roon.

"Bakla, kayo na lang ni Adella ang pumunta sa office ni Madam. Punta na kami ni Ritz sa preparation room," paalam ni Marj sa kanila.

"Okay mga mamsh. Pakaganda niyo at nang marami naman kayong ma-tip." Natatawang biro ni Kimmy na ikinairap ng dalawa.

Iginiya siya ni Kimmy sa isang office. Pagpasok nila, may isang babae roon na nasa 40's na. Mukhang masungit ito. May kausap ito sa telepono. Umupo sila ni Kimmy sa upuan na nasa harap ng table nito.

"Siya ba ang sinasabi mo sa akin sa chat kagabi?" Usisa ng babae nang matapos makipagusap sa telepono. Pinagmasdan nito ang mukha niya.

"Opo madam. Fresh hindi ba? Batang bata." Tinignan siya ni Kimmy.

"Adella siya si Madam aura. Ang may-ari ng club."

"H-hello po." Nauutal siya nang magsalita.

"Tumayo ka." Utos nito na ginawa niya.

"Anong height mo?" -Madam Aura

"5'6 po."

"Vital mo?"

"34-25-34 po," aniya. Nakita niya ng pag aralan siya nito mula ulo hangang paa.

"Perfect." Dinig niyang sabi nito.

"Napaka puti mo pa at ganda. Umupo ka."

Umupo siya at pinagsalikop ang dalawang kamay sa kandungan.

"Tangap siya Madam?"-Kimmy.

"Yes. Bibigyan kita ng isang Lingo Kimmy para masanay mo siya sa pagpo-pole dancing. Kaya mo ba?"

Natigilan si Kimmy.

"One week? Hindi kaya ang iksi ng araw Madam? Lalo na at baguhan pa lamang siya."-Kimmy

Nag-isip si Madam.

"Sige two weeks. After two weeks dapat kaya na niya, kapag hindi. Hahanap ako ng iba para sa pwestong iniwan ni Mara. Atsaka kapag pumasok siya rito, every week end muna siya magpe-perform. Titignan natin kung hahanapin siya ng mga customers natin, gaya ng kay Mara. Intiende?" Mahaba at klarong pahayag ng matanda.

"Opo Madam. Noted po! Ako na po ang bahala kay Adella. After two weeks, pwede na siyang isabak."

"Okay then. Makakaalis na kayo, Kimmy asikasuhin mo ang mga kaganapan tonight Okay? Pagkakaalam ko maraming business man ang darating tonight."

"Noted mo Madam. Thank you." Binalingan siya ni Kimmy.

"Inday tara na." Tumayo na ito at ganoon din ang ginawa niya, pero nagpasalamat muna siya kay Madam Aura. Tumango lamang ito at tsaka na sila umalis.