CHAPTER 2

HMH-2

     "May nakapasok-" Hindi na nito natapos ang sinasabi matapos na mabilis niyang nahugot mula sa likuran niya ang kanyang baril at napaputukan ang lalaki. Sapol ito sa pagitan ng noo at bumagsak sa sahig. Tiningnan niya ang lalaking bihag at nakitang maayos itong nakakubli. Kaagad na lumingid siya sa pader nang mapansin na nagkagulo ang iba pang kidnaper. 

     "Hanapin n'yo! Hindi dapat iyan hayaang makalabas ng buhay rito!" galit na utos ng lider nila. "Halughugin ang buong lugar!"

    "Yes, Boss!" mabilis na sagot nang mga ito at mabilis na nagpulasan sa iba't ibang direksyon. May isang palapit sa kanyang kinaroroonan. 

     "Yuhoo!!! Nasaan ka na? Magpakita ka na! Gusto mo ba taguan tayo?" sabi nito habang dahan-dahan palapit sa kanya. Bawat kanto ay hinihintuan nito para tingnan kung naroon siya. Nang mapatapat ito sa kanyang pwesto ay kaagad na binulaga niya ito. Nakatutok ang kanyang baril sa ulo nito.

     "Please, please, ayaw ko pang mamatay! May mga anak pa ako! Parang awa mo na! Pangako, hindi ako magsusumbong!" pakiusap nito. 

     "Hey! huwag kang maawa, that's a trap!" paalala ni Trish sa kabilang linya. Kilala siya nang mga ito na madaling maawa kapag pamilya ang pinag-uusapan, dahil ayaw niyang may pamilyang magdusa kung mawalan nang taong bumubuhay sa mga ito.

     Naawa siya matapos sabihin nito na may anak kaya kinuha na lamang niya ang baril nito at pinalayo, subalit…

     "Narito siya! Narito ang kalaban!" biglang sigaw nito habang itinuturo siya sa paparating na kasama kaya kaagad niyang pinaputukan.

     "See? I've told you!" 

     Sumubsob ito sa sahig at nakita nang mga kasama kaya mabilis na nagsilapit sa kanyang direksyon. 

     "Well, sorry siya, binigyan ko na siya ng chance para mabuhay but he choose to die!" sagot niya.

      "Be careful, hindi namin sure kung aabot pa kami! Mukhang kulang pa silang lahat sa iyo pa lang!" 

     Maingat na umikot siya sa kabilang side habang nakikiramdam. Subalit may biglang nagpaputok sa kanya mula sa likuran. Mabuti na lang at tila kulang ito sa practice kaya hindi siya tinamaan at mabilis siyang kumubli. 

     "Lumabas ka at ipakita mo'ng galing mo! Ano? Naduduwag ka ba?" hamon nito. Mayamaya ay tumahimik, naalala niya ang kanyang dalang keychain, mabilis na dinukot niya iyon sa bulsa. Tinanggal niya ang nakakabit na keychain sa susi niya na isang maliit na salamin. Luminga siya sa paligid niya at maswerteng nakakita ng isang manipis na patpat. Kinuha niya iyon at maingat na inipit ang maliit na salamin saka dahan-dahang ginawang panilip. Nakita niya buhat sa salamin ang dalawang nakakubli magkabila sa pader, habang nagse-senyasan. Salamat at maliit ang salamin kaya hindi agad napansin ng dalawa.

Maingat na kinuha niya muli ang salamin at ibinulsa. Dumampot siya ng isang medyo kalakihang bato at inihagis sa mga ito, kaya nagpaputok nang sunod-sunod ang dalawa. Nang tila mapansin nang mga ito na hindi pa rin siya lumalabas ay tumahimik magpaputok. Sinamantala niya iyon at pahigang umusad siya palabas sa kinukublihan at pinaputukan ang dalawa. Sabay na bumagsak ang mga ito sa sahig. Biglang sumulpot ang isa pang kasama nang mga ito at pinaputukan siya kaya mabilis siyang bumalik sa pinagkublihan. Umikot siya sa kabila at dahan-dahang lumapit sa pwesto nito. Ngayon, nasa likuran na siya ng lalaki.

      "Sinong hinahanap mo? Ako ba?" tanong niya nakangisi rito. Kaagad na humarap ito sa kanya na namumutla habang nakatutok ang baril sa kanya. Napatingin ito sa hawak niyang baril na nakababa kaya kaagad na nagpaputok. Subalit mas mabilis pa rin siyang kumilos dahilan para bumulagta ito sa sahig.

     Nakarinig siya nang palakpak sa kanyang likuran, "Well, well, well, magaling! Anong ginagawa ng isang babaeng kagaya mo sa lugar na ito?" sabi ng lalaking balbasan. Puno ng pagnanasang pinasadahan siya nito ng tingin mula ulo hanggang paa. 

     "Sa tingin mo, ano pa ba?" sarkastikong sagot ni Yanna. "Ako yata dapat ang magtanong niyan sa 'yo?"

    "Hmn... sorry, young lady! Pero mukhang nagkamali ka yata nang binabangga mo?" biglang dumilim ang mukhang sabi nito kasunod ay tumawa. "Anyway, I had an offer kung tatanggapin mo?" 

     "Wala akong panahon sa offer mo," malamig rin na sagot niya rito.

     Humalakhak ito habang pumapalakpak, "Wow! Bilib naman ako sa tapang mo! Sa palagay mo ba, matapos ang ginawa mo sa mga tauhan ko, papayagan kitang makalabas nang buhay rito?" itinaas nito ang hawak na baril at itinutok sa kanya. 

     Pormal ang mukhang tinitigan lamang niya ito. Nakita niya na tumingin ito sa likuran niya at sumenyas. 

      "Ibaba mo ang baril kung ayaw mong bumaon ang tingga sa katawan mo!" sabi ng tinig sa kanyang likuran.

      "Well?" sabi ng kanyang kaharap at mas lumapit pa sa kanya upang abutin ang kanyang baril. Mabilis na umupo siya at sinipa ang kaharap na lalaki sa paa nito dahilan para bumagsak ito sa sahig. Tila nawala sa kanyang isip ang lalaki sa likuran niya na nakahandang barilin siya. "Ano pang hinihintay mo? Barilin mo na!" galit na utos ng lalaking bumagsak sa sahig, sa kasama nitong nasa likuran ni Yanna. Hindi ito makakilos dahil nasa ibabaw nito si Yanna at hawak ang dalawang kamay nito.

      Kasunod nito ay umalingawngaw ang isang putok ng baril.