CHAPTER 26

Hindi lubos maisip ni Rose na natatamasa na niya ang ganitong experience na minsang ipinagdamot sa kanya ng mundo. Ngayon niya lang naramdaman ang tunay na kasiyahan sa buong buhay niya. Nagkaroon siya ng pagkakataon na maranasan ang buhay-haciendera. Kumain ng masasarap na prutas at makapag-harvest ng mga gulay, pati na rin ang mag-alaga ng mga hayop.

Walang mapaglagyan ang kasiyahang nararamdaman niya.

"Ate Rose!"

Napalingon siya sa kung saan nanggaling ang mga boses na tumawag sa kanya at ganoon na lamang ang galak niya nang makilala kung sinu-sino ang mga ito.

"Argon, Shai, Buknoy! Kayo pala!" isa-isa niyang niyakap ang mga ito.

Natawa siya nang mapansing umiiyak si Argon, "Bakit ngayon lang kayo nagpakita, namiss po namin kayo..."

"Oo nga po, akala namin umalis na kayo," saad naman ni Shai.

"Hm!" ungol ni Buknoy at ikinumpas ang kanyang mga kamay, may sinasabi ito sa sign language na hindi niya maunawaan.

"Hinintay ka po namin sa ilog, akala namin babalik kayo roon," Nagsalita s