Chapter 99

Pagdating namin sa Design club, ang una naming napansin, ay ang mga kasamahan namin na nagkukumpulan sa likod.

“Anong meron?” tanong ko.

“Shh!” sabi ng isang kasamahan namin, “`Wag kayong maingay, baka dumating si Kuya Jun.”

“Ha?” kumunot ang noo si Aveera, at sa paglapit namin, ay nakita naming may inaayusan silang babae.

Teka, sandali... babae ba talaga `to?!

“Jinn?!”

“Namukhaan n’yo agad ako?” nakanguso nito’ng tanong.

“Ay, hindi, sanay lang kami’ng makakita ng maskuladong babae na may clown make-up.” sabi ni Aveera. “Ano nanaman ba’ng kalokohan `yan?”

“Ayaw ako’ng palapitin ng ermats ni Rome sa kan’ya, kaya kailangan ko’ng mag disguise,” sabi nito.

“Mas bagay sa `yo ang term na costume,” sabi ni Aveera na mukhang naiirita, “Ang disguise, para `di mapansin! Maslalo kang mabubuking d’yan sa itsura mo, eh!”

Hinatak ni Aveera ang suot ni Jinn na blazer na namumutok at pinunasan ang makapal