Chapter 117

Nag-full recovery din ako kinabukasan! Ang dami ko’ng nakain sa niluto’ng breakfast ni Bless, at matapos kumain ay pinuntahan namin ni Louie si Kevin sa presinto. Ayaw pa n’ya ako’ng isama nang una, pero pumayag `din matapos ko s’yang pilitin.

”Alam mo, nabanggit sa `kin ni Kevin na inutusan lang daw s’ya ng lolo nila ni Harold...”

”Magkamag-anak sila ni Harold?!” napalingon sa `kin si Louie na nagmamaneho, ”How come you never told me that?!”

”Hindi ko naman kasi naisip na importante `yun,” sagot ko, ”saka ang pagpapakilala nila sa `min nang una, mag best friends lang, magkaiba pa sila ng last name.”

”At bakit naman daw s’ya inutusang gawin `yun?” tanong ni Louie na `di na naalis ang kunot sa noo. ”Gusto ka ba n’yang makuha dahil sa inheritance mo?”

”`Yun nga ang gusto ko’ng malaman, eh.” sagot ko, ”Sabi n’ya, si Harold daw ang naghahabol sa akin, pero s’ya ang napag-utusan.”

”Hmph! Talagang umpisa pa lang mainit na dugo ko sa Harold n