Chapter 14

DONNA

Matapos kong marinig ang sinabi ngang 'yon sa akin ni Sir Dave ay natutop ko ang aking mga labi. Hindi ako makapaniwala sa nalaman kong 'yon mula sa kanya. Kaya pala nais ng mga magulang niya na hiwalayan si Ma'am Camille dahil sa hindi na ito puwedeng magbuntis pa. Nakakalungkot lang na isipin na ganoon ang nangyayari ngunit 'yon ang totoo na kailangan nilang harapin.

Napabuga ako ng hangin bago nagsalita kay Sir Dave. Kita ko sa mukha niya ang lungkot sa sinabi niyang 'yon sa akin.

"Alam na po ba ni Ma'am Camille ang tungkol doon, Sir Dave?" tanong ko nga sa kanya.

"Hindi pa, Donna. Hindi ko sinasabi sa kanya ang tungkol sa nais ng mga magulang ko na 'yon na gusto nilang maghiwalay kaming dalawa dahil sigurado ako na masasaktan siya. Ayaw ko na masaktan siya, Donna. Ayaw ko na mangyari 'yon kaya hindi ko puwedeng ipaalam 'yon sa kanya," nakangusong sagot niya sa akin.

Tumango naman ako pagkasabi ko sa kanya at nagsalita, "Sabagay nga po ay may punto ka naman po sa sinabi mon