KABANATA 62

Nagsimula nang dumilim kaya't sinindihan na nila ang bonfire. Panay ang tingin niya sa kinauupuan ni Kyle. Nakita niyang katabi na nito si Sheila na naka-swimsuit pa rin na kulang na lang ay ibuyangyang nito ang malalaking dibdib. Si Zara naman ay nasa isang sulok at tahimik na nakamasid sa lalaki at sa nurse ni Mrs. del Espania. Tingin niya ay natutulog na ang matanda kaya't may oras na para humarot ang nurse na may higanteng boses.

Kasalakuyan niyang nilalagok ang isang bote ng beer at biglang naibulwak ang nasa bibig habang natatawa sa naisip tungkol sa nurse.

" May higanteng boses,"mahinang sabi niya tapos tawa nang tawa.

" Nakailang bote ka pa nga lang may tama na agad?" natatawang sabi ni Venus habang pinagmamasdan siya.

Lahat sila ay nakaupo sa buhangin sa harap ng bonfire. Mga dalawampu pa yata silang natira doon dahil ang iba ay umuwi na habang ang iba ay ewan niya kung saan nagpunta. May mga nakita siyang magkahawak kamay na models na lalaki