Chapter 21

TATLONG LINGGO NA kaming magkarelasyon ni Damon. Sa loob ng tatlong linggo na 'yon ay puro masasayang memories ang naiisip ko.

Unang-una na 'yong mga asaran moments namin. Natutuwa nga ako sa kaniya kasi nasasabayan niya 'yong pang-aasar ko. Mahilig din kasi talaga akong mang-asar. Masasabi kong ako 'yong klase ng girlfriend na mapang-asar pero pikunin. Hindi na nga lang niya ako minsan pinapatulan kasi pinagbibigyan na lang daw niya ako at baka mapikon ako kapag siya naman ang nang-asar. Pakiramdam ko sa loob ng tatlong linggo ay nakapasok na ako sa buhay niya. Hinayaan niya akong makapasok sa buhay niya. Nakakatuwa lang talaga isipin na 'yong lalaking tinitignan ko sa malayo noon ay boyfriend ko na at patay na patay na rin sa 'kin pero s'yempre sa aming dalawa ako ang patay na patay! Magaling lang talaga akong magtago ng sikreto ko. Noong nakaraan nga ay nagpumilit na naman siyang pumunta sa bahay namin a