Chapter 19

"BAKIT BA TAYO nandito?" tanong ko kay Damon pagkapasok ko rito sa isang boutique shop sa loob ng isang mall.

Friday ngayon at absent ako sa trabaho. Mamayang gabi na ang dinner sa mansion nila. Hindi pa nga rin ako mapalagay. Nate-tense ako. Hindi ko alam kung ano ang magiging reaction ng parents niya sa 'kin mamaya. Alam ko naman na mabait ang parents ni Damon pero siyempre, ngayon kasi ay magkarelasyon na kami kaya sobrang kinakabahan ako sa dinner mamaya.

Nilingon ako ni Damon. As usual, naka-black cap na naman siya. Nakasuot ng white shirt na pinatungan ng leather jacket, black jeans at shoes pero kahit ganoon lang ang suot niya ay halata pa rin talaga 'yong kaguwapuhan niya. Nahiya tuloy ako sa suot kong pantalon at yellow shirt. Naka-flat sandals lang din ako. Habang naglalakad nga kami rito sa loob ng mall ay hindi ko talaga maiwasang tumingin sa paligid k