34

Kabanata 34

Pagkapasok ko ay pinasadahan ko ng tingin ang mesa dito sa kusina. Nang i-angat ko ang tingin kay Ate Rosa na may kausap na tatlong babae ay nakatunog na ako.

“Sige. Ito ang bilhin ninyo. Mamayang alas tres ay dadating na ang ibang tutulong sa pagluluto. Tutulong din kayo roon.”

“Opo,” sagot ng tatlong babaeng kausap ni Ate Rosa.

Nagpaalam na ang mga ito at umalis na.

“Oh, Maia, nariyan ka pala,” puna ni Ate Rosa nang makita ako.

Bumalik siya sa ginagawang paghihiwa ng carrots.

“Ano pong meron?” tanong ko kahit may ideya na ako kung bakit abala ang lahat.

“Naghahanda sa selebrasyon para mamaya, Maia. Utos ng magulang mo.”

Halos magliwanag ang mukha ko sa narinig.

Ikukumpirma ko pa nga sana kung para ba sa birthday ko iyon ngunit may pumasok na driver sa kusina kaya napunta roon ang atensyon ni Ate Rosa. Binati muna ako ng driver bago niya sinabi ang sadya niya sa kasambahay.

“Rosa, ilang mga upuan at mesa raw ba ang kailangan para maitawag na kay Berting?”

Sa huli, nagp