Kabanata 42A

There is something in performing in front of the crowd that's addicting. Siguro ganito ang nararamdaman ng Vine. Iniisip ko rin na baka namamawis din ang palad nila sa kaba. Baka bumibilis din ang kabog ng dibdib nila habang umaakyat sa stage at pumupunta sa kani-kanilang puwesto.

"I will introduce you as guest performer," bulong ni Levi. Nakatayo siya sa gilid ko habang inaayos ang mic. Sinenyasan niya 'yong operator na pwede nang buksan ang koneksyon ng mic sa speaker.

"Kinakabahan ako," bulong ko. Pero dahil siguro hindi magkamayaw sa paghiyaw ang Vinepress, at abala ang isip niya, kaya hindi niya ako narinig.

Naramdaman ko ang paglapit ng isang tao at pagtayo niya sa likod ko. "Pagkatapos nito, umalis ka na. Umuwi ka na sa EGL," boses ni Tiden.

Napalunok ako. Naramdaman ko ang paghakbang niya palayo at pabalik sa puwesto niya. Kanina pa niya ako kinukulit na umalis. Hindi ko alam kung bakit. Masama rin ang tingin niya sa akin at hindi ako tinigilan hangga't umuo ako sa kaniya, nan