Chapter 34: Blue

Tumulak na sina Yanna at Alessio patungo sa kanilang destinasyon.

Habang magkatabi sa backseat ay panaka-naka ang pagsulyap ni Alessio sa kanyang asawa. Sa tanang buhay niya ay wala pang babae ang sumubok na kunin ang kanyang atensyon nang ganoon katagal. Si Yanna lamang ang bukod-tanging babae ang nagparamdam sa kanya ng matinding pag-aalala. Iniisip niya kung ano ang tumatakbo sa isipan nito. Gusto niya itong hagkan at iparamdam dito na hindi ito dapat mangamba sa kanyang intensyon ngunit napapangunahan siya ng hiya at pagkalito.

Pagkaraan ng ilang minuto ay nakarating na ang sasakyan nila sa harap ng Dimarco Hotel kung saan gaganapin ang taunang Charity Ball na pinamumunuan ng D.M. Group.

Maraming nagkalat na taga-media ang naroon pati na ang mga sikat na artista at mga matataas na opisyales sa gobyerno.

Tila nalula si Yanna sa mga nakita. Hindi niya lubos akalain na sa ganitong lugar siya dadalhin ng asawa. Sorpresa kung sopresa nga! Gusto niyang palakpakan ang asawa sa ginawa nit