Chapter 11

Siting’s POV

Nabenta na namin lahat ang alagang baboy para may panggastos kami sa gamot at pang-araw-araw namin ni Nanay. Ang paglalako lang kasi niya ng gulay ang bumubuhay sa aming dalawa at isa pa hindi na rin afford ni Nanay na bumili ng pagkain ng baboy kaya binenta na namin sina Piolo, Dingdong, Joshua at Coco.

 Iniwan ko saglit si Nanay at binilin ko na lamang sa isa sa mga kapitbahay namin. Ewan ko kung ano okasyon at gusto niyang magluto ako ng biko. Pinagbigyan ko ang kahilingan niya baka kako gusto niya lang kumain ngayon ng biko. 

Pumunta ako ng bayan. Namili ako ng sangkap para sa gagawin kong biko. Hindi ako marunong magluto pero sabi niya gagabayan daw niya ako. Ako ang gagawa habang siya naman ang magbibigay ng instruction. Of course ayaw ko namang paglutuin pa Nanay ko dahil may sakit pa nga ito. 

“Hoy! Alam mo ba ang balita? Ikakasal na raw ang anak ni Edna na si Siobe, diba ang bata pa nun?” Narinig kong