CHAPTER 91

“Loisa anak mag-iisang buwan na tayo dito sa probinsiya, talaga bang hindi ka na babalik sa hotel na pinagtatrabahuan mo?” May pang-hihinayang sa boses ni Aling Marie.

Mula kasi ng bumalik sina Loisa sa probinsiya nina Aling Marie ay agad siyang nagdesisyon na itutuloy na lamang sa pag-reresign ang naunang paalam niyang isang linggong pamamahinga dahil sa masakiting anak.

Ngayong balik probinsiya na siya, si Loisa na ulit ang nag-aasikaso sa kanilang munting negosyo sa bayan.

Habang nagpapahinga mula sa pag-tally ng kanilang mga natanggap na sunod-sunod na deliveries mula pa kaninang umaga heto at walang pag-alinlangan ay tinanong na siya ni Aling Marie tungkol sa kanyang naging desisyon.

“Nanay, huwag po kayong mag-alala buo na po ang desisyon ko na mananatili na lang dito sa inyo,” nakangiting sagot naman ni Loisa.

“Hayaan n’yo po magsusumikap ako lalo para masustentuhan ko po ang mga pangangailangan natin sa pang-araw-araw,” dagdag pa niyang sabi.

“Hindi naman ‘yon ang problema iha