KABANATA 6

Iniwan siya nito sa kwarto na iyon noong gabi. Mabuti nga at hindi siya nito pinwersang gawin ang bagay na iyon. Hindi nga lang siya nakatulog lalo pa't ramdam niya ang ginawa nito sa pagitan ng mga hita niya. Naipagdidikit na lamang niya ang mga hita at pinipigilan ang umungol. Baliw na nga siguro siya't nabuhay ang bawat himaymay ng init sa ginawa nito.

Si Brylle pa ang uling nakasama niya sa kama, pero iba ang piranas sa kanya ni Gray ngayon. Daliri pa lang iyon pero tingin niya buong katawan niya ang gustong magpa-alipin dito.

Napamulat siya ng mga mata matapos maalala ang sinabi nito.

"Mabuntis sa loob ng isang buwan? Baliw ba siya? Akala mo naman mabubuntis ako sa isang gabi lang—"

Napatigil siya matapos may napagtanto. Ibig ba nitong sabihin ay gagawin nila iyon araw-araw at hindi isang beses lang?

"Sh*t! Baog nga ako!" ngawa niya sa kama.

Kahit mag-araw araw pa sila, malabo siyang mabuntis! Bakit ba kasi ayaw nitong maniwala na baog siya?!

"Arggh!"

Nilubog niya ang ulo sa unan. Kailangan na niyang tumakas agad kaysa naman ito pa ang pumatay sa kanya kapag hindi siya nabuntis. Pero paano naman? Bantay sarado ang mansyon nitong babasagin! Isang maling galaw niya, uulan ng bala sa kanyang katawan.

Napabalikwas siya ng bangon at sumigaw-sigaw sa inis. Nalulungkot din siyang hindi na siya makababalik sa clinic. Hindi man lang niya maibuburol si Madonna.

Bumigat ang puso niya matapos maalala si Madonna. Bumagsak ang luha sa pisngi niya na agad niyang pinunasan matapos bumukas ang pinto.

"Get dress and go back to your clinic. Papayagan kitang magtrabaho sa clinic mo pero hindi ibig sabihin noon ay pwede mo kong takasan." Hinagis nito sa kama ang isang paper bag.

Napakurap siya. Nananaginip ba siya? Napatitig siya kay Gray, wala na naman itong pang-itaas pero iba na ang pants na suot. Nagsusumigaw na naman sa harap niya ang mga pandesal nito. Kung liligawan lang siya nito ng maayos, baka ito pa ang sagot sa kalungkutan niya pero sinong niloko niya? Masamang tao ito at mamamatay tao!

"Ano? Titigan mo na lang ba ako?"

Doon siya napasinghap at napangiwi. Nakakahiya! Kinunot niya ang noo para ipakitang naiinis siya.

"Akala ko ba ikukulong mo ko dito sa bulok mong bahay?"

Ito naman ngayon ang nangunot ang noo, "Hindi bulok ang mansyon ko. Ang clinic mo ang bulok."

Namilog ang mga mata niya at nagtagis ang mga ngipin.

"Bawiin mo iyang sinabi mo! Hindi bulok ang clinic ko—hoy! Bumalik ka rito!"

Bumaba siya sa kama para sana habulin ito ngunit napatigil siya matapos siyang itulak pabalik ng isang katulong.

"Handa na po ang limousine. Maligo na po kayo at mag-ayos. Huwag niyo raw pong babalaking tumakas," ani ng katulong.

Gigil na lang niyang sinulyapan ang papalayong malapad na likod ni Gray. Sumunod na lang din siya sa katulong. At least makababalik pa siya sa clinic.

Hinatid siya ng magara nitong limousine. Suot pa niya ang bestidang asul na hinagis nito kanina sa kama.

Huminga siya nang malalim pagkababa ngunit nabitin sa ere ang paghinga niya matapos marinig ang tawa ni Madonna. Napakurap siya at halos magmadaling pumasok sa clinic. Napatanga nga lang siya matapos makita si Enzo na kausap ni Madonna.

"Dra. Sylvaine! Si Enzo, bagong assistant mo raw," bungad sa kanya ni Madonna.

Kumibot ang labi niya at hindi pinansin si Enzo, "Buhay ka? Hindi ka patay?"

Naguguluhang umiling si Madonna, "Huh? Hindi. Iniwan din ako rito. Nag-report nga ako sa pulis pero mukhang hindi na kailangan dahil nandito ka naman na." Ngumisi ito na akala mo ay hindi na-trauma sa nangyari.

Napamaang siya at binalingan si Enzo, "Ang sabi mo ay patay na si Madonna!"

Namilog ang mga mata nito at napataas ang mga kamay, "What? Wala akong sinabing ganyan. Ang sabi ko ay nasa tahimik na lugar na," pagdidiin nito.

Pumirmi ang mga labi niya. Buong akala niya ay patay na ang assistant niya. Bumuntong hininga siya. Mabuti na lang at buhay pa ito. May rason pa para mabuhay siya.

"What are you doing here, Enzo? Hindi kita in-hire bilang assistant ko. Bumalik ka sa amo mong demonyo," malamig niyang bulalas.

Tumabi si Madonna noong pumasok siya sa opisina niya. Sumunod naman sa kanya si Enzo.

"You're not allowed to escape—"

"Alam ko. But I don't need your presence here," putol niya sa sasabihin nito.

Ngumisi ito, "Kahit naman wala ako rito, mababantayan ka pa rin niya." 

Sinulyapan nito ang kisame kaya't sumunod doon ang tingin niya. Kita niya ang maitim na maliit na bilog na nakadikit doon. May maliit na pulang ilaw na kumukurap-kurap pa. Hindi siya t*nga para hindi maisip na CCTV camera iyon. Anong balak nitong gawin? Bantayan lahat ng galaw niya?!

"Madonna, baseball bat," mariing utos niya.

"Ah? B-akit?"

Tiningnan niya ito nang mariin kaya't tumalima ito at kinuha ang hinihingi niya. Naguguluhan pa si Enzo noong ibigay sa kanya ni Madonna ang baseball bat. Napamura ito noong tumuntong siya sa upuan at walang babalang basagin ang camera. Ilang beses niyang pinalo at hinampas iyon hanggang sa magkadurog-durog.

"Stop that, Dra. Sylvaine. Baka pagsisihan mong binasag mo iyan," pagbabanta ni Enzo.

Mataray niya itong tiningnan, "I am sure this is not the only one. Saan nakadikit ang iba?"

Pumirmi ang mga labi ni Enzo habang si Madonna ay napayuko. Siguradong hindi magsasalita si Enzo kaya't si Madonna ang nilapitan niya.

"Nasaan pa, Madonna?"

Napalunok ito. Sinulyapan muna nito si Enzo bago tinuro ang mesa niya. Galit siyang nagmartsa papunta sa mesa. Dumukwang siya at umakyat ang galit niya matapos makitang meron ngang nakadikit doon. Eh paano pala kung itatas niya ang paa niya? Edi nakitaan siya nito?

"Such a pervert!" bulong bulong niya bago basagin din ang camera doon. Wala siyang pakialam kahit pa nasira ang mesa niya.

"Meron pa?!"

Napatalon si Madonna habang si Enzo ay naningkit ang mga mata sa kanya. Lumabas ito at alam niyang magsusumbong ito pero wala siyang pakialam. Tatakbo na sila Madonna paalis doon.

"Nasaan pa, Madonna? Tell me."

Nanginginig ang kamay nitong tinuro ang labas, sakto sa entrada ng pinto. Lalapitan sana niya iyon ngunit pinigilan nito ang braso niya.

"Hindi mo dapat sinira. Maghihigpit sila lalo at baka pareho tayong mamatay, Sylvaine," takot na bulalas nito.

"Edi umalis na tayo ngayon din."

Umiling-iling ito. Kitang-kita niya ang takot sa mga mata nito at kung paanong manlamig ang balat nito.

"Nangako akong tutulong sa kanila kapalit ng buhay ko. Pinangako kong babantayan kita para hindi nila ako patayin," pag-amin nito.

Napanganga siya at hindi makapaniwala. Gets niya naman na nanganib marahil ang buhay nito pero pwede pa naman silang tumakas!

"Pwede pa tayong tumakbo at tumakas, Madonna—"

"Hawak nila ang buong pamilya ko, Sylvaine. Hindi ako pwedeng sumunod sa'yo at baka isa sa mga anak ko ang mamatay," naiiyak na sumbong nito.

Kumuyom ang kamao niya at lalong nagalit sa narinig. Sino ba sila para gawin iyon?! Ni hindi niya matandaan kung may atraso siya sa lalaking iyon para gawin ito sa kanila!

Sa galit niya ay malalakas na hampas ang ginawa niya sa camerang nakita. Wala namang silbi kung tatakas pa siya ngayon pero ipapakita niyang galit na galit siya.

"F*ck you, Mr. Whitlock! F*ck you!" paulit-ulit niyang sigaw habang hinahampas ang maliit na camera.

Durog na durog iyon habang siya ay hinihingal.

"Tapos ka na? Ako naman," ani ng malamig na boses.

Napalingon siya mula sa likod. Nakatayo roon si Gray at nanlilisik ang titig sa kanya. Sumulyap ito sa nadurog na camera kasabay ng pag-igting ng panga nito.

"What have you done to my precious cameras?" gigil na tanong nito habang nagtatagis ang mga ngipin.

Tinaas niya ang noo at sinalubong ang galit nitong tingin, "Wala kang karapatan na lagyan ng camera ang clinic ko."

Naningkit ang mga mata nito, "You'll pay for this!" galit na galit na sigaw nito dahilan upang mapatalon siya sa gulat.

Napaatras siya noong lumapit ito, "A-no'ng gagawin mo?"

"Pinagbigyan na kitang bumalik pero sinira mo ang mga camera ko. It is just enough for you to pay them. F*ck, dapat pala kagabi pa ako pumasok diyan sa loob mo para hindi ka na nakalakad!"

Naeskandalo siya sa sinabi nito pero mas nagulantang siya noong walang babalang buhatin siya nito na parang sako.

"Ano ba! Bitiwan mo ko!"

"D*mn, I should have done this last night," bulalas nito bago pisilin ang likod ng hita niya na tila gigil na gigil.