Chapter 4

Maaga pa din na umalis ng bahay si Cory. Kailangan na niyang makahanap ng trabaho ngayon. Nauubos na ang ipon niya. Kahit ano tatanggapin niya. Kahit na kasambahay ay papasukin na niya.

"Carvie, ikaw na muna ang bahala dito sa bahay. Saka si Cathleen, alagaan mong mabuti. Huwag mong hayaan makalanghao ng alikabok sa labas. Palagi kong ipasuot ang facemask niya kapag lalabas kayo ng bahay" mga bilin ni Cory sa kapatid. Maigi na lamang at nalasahan na niya ito.

"Tatandaan ko po, Ate. Mag iingat kapa po. Sana pag uwi mo may trabaho kana" sagot ni Carvie. Hinawakan naman ni Cory ang kapatid sa pisngi at hinalikan.

"Salamat"

Umalis na si Cory. Siyang dating naman ni Ely. Kinuha niya sa compartment ng kotse niya ang kanyang mga pinamili na grocery para sa magkakapatid. Bitbit ang mga plastic ay pumunta siya sa harapan ng pinto ng bahay nina Cory. Inilapag niya muna ang mga dala at kumatok.

Pinagbuksan kaagad siya ng isang binatilyo na hula niya ay kinse anyos.

"Hi. Good morning. Ako nga pala ang boyfriend ng Ate mo. Ely ang pangalan ko. Ikaw anong name mo?" pakilala ni Ely sa kanyang sarili. Nagtataka naman si Carvie sa sinasabi ng lalaking kaharap niya.

"Boyfriend po kayo ni Ate? Bakit wala pong sinasabi siya sa amin?"

"Ah e, siguro nahihiya siya. Puwede ba akong pumasok? May mga dala akong mga pagkain at grocery para sa inyo" sagot ni Ely. Nakatingin lang si Carvie dito dahil sa pagtataka. 

Niluwagan ni Carvie ang pintuan at pinapasok sa loob ng bahay nila ang nagpakilalang boyfriend daw ng Ate niya. Dala ang mga pinamili ay ipinasok iyon ni Ely sa loob ng bahay nina Cory.

"Boy, saan ko ilalagay ang mga ito?" tanong ni Ely.

"Diyan na lang po muna sa lamesa. Hintayin na lamang po natin si Ate na mag ayos ng mga pinamili niyo. Ako nga po pala si Carvie. Pangalawang kapatid ni Ate Cory. At 'yung nasa loob po ng kuwarto ay ang bunso naming kapatid na si Cathleen. Maysakit po siya sa puso. Kaya madalas nasa loob lang po siya ng kuwarto" pakilala ni Carvie at kuwento na din nito.

"Ganoon ba. Puwede ko ba siyang makita? I want to help your sister. Sana hindi ko mamasamain, Carvie. From now on, I'm your Kuya Ely. Hindi ko kayo pababayaan na magkakapatid. Pati na ang Ate mo" sinserong sabi ni Ely. Ngumiti si Carvie. Ramdam niya na nagsasabi ng totoo ang lalaking kaharap.

"Sunod po kayo sa akin, K-Kuya" ani Carvie. Napangiti naman si Ely bang tinawag siya Kuya ni Carvie.

Pumasok sila sa isang maliit na kuwarto. May isang electric fan at may Napansin niya ang isang batang babae na naglalaro. Siya na siguro ang bunsong kapatid ni Cory na may sakit. Maputla ang kulay ng balat nito at mukhang hindi nakakalabas ng bahay.

"Cathleen, may bisita tayo. Siya si Kuya Ely. Boyfriend ni Ate. Siya naman po ang bunso naming kapatid ni Ate Cory si Cathleen" pakilala ni Carvie kina Ely at sa kapatid nito.

"Hi, Baby. Musta kana?" bati at tanong ni Ely.

"Okay lang po ako. Wow! May boyfriend na si Ate. Nice to meet you po Kuya" masayang sagot ni Cathleen. Napangiti si Ely sa bata. Masayahin si Cathleen at pa laging nakangiti. Parang walang sakit kung magsalita ito.

"May dala akong mga pagkain. Baka gusto niyo nang kumain?" tanong ni Ely.

"Talaga po? Anong pong dala ninyong pagkain?" tanong ni Cathleen.

"Spagetti, french fries at saka burger. May chicken din akong isinama. Dahil alam king magugustuhan niyo iyon" sagot ni Ely.

"Yehey! Kuya Carvie, narinig mo iyon?"

"Cathleen, kumalma ka. Baka atakehin ka" saway ni Carvie sa bunsong kapatid.

"Sorry po Kuya" malungkot itong nagyuko ng ulo. Naawa naman si Ely sa bata.

"Cathleen, concern lang ang Kuya mo sayo. Dalhin ko na lamang ang food dito sa kuwarto niyo" paliwanag ni Ely. Tumango naman si Cathleen at ngumiti.

Lumabas muna siya ng kuwarto at kinuha ang binili niyang pagkain. Kumuha siya ng dalawang kutsara, tinidor at baso. Bumalik siya sa loob at siya, na din ang nag asikaso sa, magkapatid. Masayang masaya ang dalawang bata dahil ngayon lang sila nakakain ng ganitong masasarap na pagkain.

Pagkatapos kumain ng magkapatid ay iniwan muna nila si Cathleen sa loob ng kuwarto. Inayos ni Ely ang kanyang mga pinamili at isinalansan iyon sa tokador sa kusina. Naparami ata ang pinamili niya at hindi nagkasya.

Kinuha ni Ely ang phone niya at may tinawagan. Nag order siya online ng mga laruan at mga damit para kina Carvie at Cathleen. Ilang oras pa ang hinintay niya ang dumating na din ang mga binili niya online.

Ibinigay ni Ely kay Carvie ang isang pares ng damit, robot, at ipad. Nanlaki ang mga mata ni Carvie ng makatanggap ng mamahaling ipad.

"Salamat po dito, Kuya Ely. Alam niyo pangarap ko magkaroon ng ganito" tuwang tuwa na niyakap ni Carvie si Ely.

"No problem, Carvie. Kuya mo na ako, diba? Marami pa aking ibibigay sayo na mga gusto mo. Mag aaral ka ulit. Gusto mo ba iyon?" sagot ni Ely.

Napaiyak si Carvie. Gusto niyang makapag aral ulit pero kulang na kulang ang pera nila. Dahil sa mga pangangailangan ni Cathleen. Inakbayan ni Ely si Carvie. At ginulo ang buhok.

Sunod naman niyang pinuntahan si Cathleen sa loob ng kuwarto. Inabot ni Ely ang dalawang pares ng bestida, sapatos at bagong manika.

"Salamat po, Kuya Ely. Ngayon lang po nagkaroon ng kapalit si Dory ko" umiiyak na sabi ni Cathleen.

"Tahan na, Baby. Bawal ka umiyak" alo at paalala ni Ely.

"Masaya lang po ako. Salamat po ay dumating kayo sa buhay ni Ate Cory" sagot ni Cathleen. Niyakap ni Ely ang batang si Cathleen.

Pauwu na si Cory. May masayang balita siyang sasabihin sa kanyang mga kapatid. May trabaho na siya. Tagahugas ng pinggang sa isang karinderia. Kahit maliit ang kita ay okay na iyon para sa kanya. Alangan pa nga siyang tanggapin dahil hindi daw siya bagay na taga hugas ng pinggan. Maganda daw siya at maputi. Saka makinis daw ang balat niya. Nagmakaawa na lamang siya para tanggapin.

Nagtaka si Cory na bukas ang pinto ng bahay nila. Marami ding mga de lata, noodles, itlog, tinapay at kung ano ano pa sa kusina nila.

Bigla siyang pumasok sa kuwarto at nadatnan si Ely doon. Kausap ang mga kapatid niya.

"Anong ginagawa mo dito? Diba sinabi ko nang umalis kana! Huwag mo na akong guluhin pa!" galit na galit na sigaw ni Cory.

"Cory, please let me explain" pakiusap ni Ely.

"Ate" tawag ni Carvie sa kapatid.

"Huwag kang makialam dito, Carvie!" galit na, saway ni Cory sa kapatid.

"Cory, huwag mo namang sigawan ang kapatid mo. Hindi mo na nakikita na kailangan nila ng tulong. Kaya andito ako para tumulong sa inyo" sita ni Ely kay Cory. Pero kita pa din niya ang galit sa mga mata ni Cory.

"Sino kaba para sabihin iyan? Mga kapatid ko sila at ako ang kailangan nila. At hindi ikaw! Kaya umalis kana dito sa bahay namin!" bulyaw ni Cory.

"Please, Cory. Pakinggan mo naman muna ako. Wala akong intensiyon na masama sa lahat ng ibinigay ko. At ibibigay pa na tulong sa inyo" pagmamakaawa ni Ely sa matigas na si Cory.

"Umalis kana sabi! Alis!" taboy pa din ni Cory kay Ely. Panay na ang iyak ng dalawang kapatid ni Cory.

"Ate, si Cathleen" natatakot na sabi ni Carvie habang yakap ang kapatid na kinakapos ng hininga. Agad nilapitan ito ni Cory.

"Cathleen, Cathleen.. Huminahon ka, Cathleen!" puno ng pag aalala na sabi ni Cory. Lumabas siya at pumunta ng kusina para kumuha ng tubig. Bumalik siya at pinainom niya ito ng tubig. Pero ganoon pa din si Cathleen.

"A-Ate" hirap na hirap na bigkas ni Cathleen. Lumapit na si Ely at agad binuhat si Cathleen.

"We need to rush her to the hospital. Mamaya kana magalit sa akin, Cory. Please" pakiusap ni Ely habang buhat si Cathleen. Agad na inilabas ni Ely si Cathleen at ipinasok sa kanyang kotse. Yakap ni Cory si Cathleen sa backseat. Habang katabi ni Ely si Carvie.

"Cathleen, lumaban ka. Please, kapatid ko. Huwag kang bibitaw" umiiyak nang sabi ni Cory. Pati si Carvie ay umiiyak na din. Mabilis na pinaandar ni Ely ang kanyang sasakyan.