Chapter 98

"Mommy! Mommy! Wake up!" malakas na boses ni Love ang nagpagising sa akin.

Niyuyogyog pa ako nito sa pagkakahiga ko pero hinila ko lang ito pahiga sa kalapit ko at niyakap ng mahigpit.

Nagpupumilit na makawala ito sa pagkakayakap ko ngunit mas hinigpitan ko pa ang yakap ko sa kaniya. Late na ako nakarating kagabi. Tulog na rin siya kaya dumiretso na ako ng higa sa tabi niya.

"Mommy!" muling saad nito. Bahagya kong iminulat ang aking mata upang tingnan siya. Bakit ba ang ingay-ingay na agad nito ay ang aga-aga pa?

"Hmm?"

Inaantok pa talaga ako.

"Daddy is calling." Bigla akong napadilat dahil sa sinabi niya.

Mabilis akong napatingin sa cellphone ko na umiilaw pero walang tunog sa side table ko. Naka-off nga pala ang ringtone nito kaya hindi tumutunog.

Inabot ko ang cellphone ko at sinagot ang tawag. Umupo na rin ako habang ang anak ko naman ay nakasunod ang tingin sa ginagawa ko.

Sinukalay ko ang buhok ko gamit ang kamay ko bago sinagot ang tawag. "Hello?"

"Did I wake you up?"