Chapter 123

Pagbaba ko ay napatingin ako sa tatlong babae at isang lalaking kausap ni Mang Karding.

Sila ba ang mga bagong kasambahay na tinutukoy ni Conan? Bakit masyado naman yatang madami? Akala ko isa o dalawa lang pero apat ang nandito ngayon.

"Ma'am Margarita, nandito na po sila. Sila po ang mga ipinadala ng agency. Si Ising ang magiging kusinera," pagpapakilala ni Mang Karding sa akin sa isang medyo may edad at malusog na babae. "Sila naman si Nerma at Carol." Tukoy naman nito sa dalawang medyo kasing edad ko lang. "Ito naman si Bert ang boy." Medyo bata pa ito at halatang batak sa trabaho.

"Hello po, ako po si Margarita," pagpapakilala ko sa kanila.

"Hello po, magandang araw po," sabay-sabay na bati ng mga ito sa akin.

"Sige, mam. Ituturo ko lang muna sa kanila ang magiging quarters nila para maituro ko na sa kanila ang mga gagawin nila," paalam sa akin ni Mang Karding.

Tumango ako sa kaniya bago sila tuluyang ihatid ni Mang Karding sa magiging kwarto nila.

Matapos ang ilang sandali ay