Kabanata 3: Pagbabanta

"Pag-isipan ninyong mabuti kung ano ba talaga ang nais ninyo para matapos na ang gulo sa pagitan ninyo. Marami pa akong gagawin kaya't tawagan niyo nalang ako kapag nagkasundo na kayo tutal ay dati naman kayong magkapamilya," ani ng pulis bago sila iniwang dalawa.

Pinukol ni Amelia ng nang-aalipustang tingin si Scarlett na nakasandal sa upuan. "Mabuti nalang talaga na hiniwalayan ka na ng anak ko! Hindi ka nababagay sa kanya!" Mataray nitong anas at tiningnan pa siya mula ulo hanggang paa.

"Ikaw ang bumili ng mga gamit ha? Nakakalimutan mo na yata kung sino ang tumulong sayo para makahanap ka ng matinong trabaho! Kung hindi dahil sakin, isa ka paring inutil at palamunin sa bahay namin!"

Hindi na niya napigilan pa ang pagpatak ng mga luha sa kanyang pisngi. Naalala niyang balak niyang magtake ng civil service exam noong nagpakasal sila ni Liam pero dahil nais niyang pagsilbihan ang kanyang asawa, hindi muna siya tumuloy.

Kaya noong kailangan na niyang magtrabaho para makatulong din sa gastusin sa bahay, pinili niyang magtrabaho bilang isang sales clerk sa mall. Mababa man ang sahod niya, at least may maiimabag parin siya pero hindi naging masaya ang ina ni Liam sa trabaho niya.

Pakiramdam nito kahihiyan na may miyembro ng pamilyang Vergara ang maliit na sahod kaya't ipinasok siya nito sa kasalukuyan niyang trabaho ngayon. Pinagsasabay niya ang pagtatrabaho, pagiging asawa kay Liam at pagiging katulong ni Amelia kaya nawalan na talaga siya ng oras para sa kanyang civil service exam.

At ngayong naiwan na siyang mag-isa, wala siyang ibang masisisi kundi ang sarili niya. Masyado niyang iginugol ang pagmamahal at oras niya kay Liam at kinalimutan ang sarili niya. Wala siyang labasan ng sama ng loob at mapagbuntunan ng lahat ng hinanakit niya.

"Huwag mo na akong hamunin pa Amelia at baka hindi na ako makapagpigil pa," malamig at pagod niyang turan.

Kita niya ang gulat sa ekspresyon nito. Siguro dahil iyon ang unang beses na tinawag niya ito ng walang paggalang pero sa ngayon ay wala na talaga siyang pakialam pa. Sana nga lang ay matapos na ang buhay niya para makapagpahinga na siya ng tuluyan.

Hindi naman makapaniwala si Amelia habang pinagmamasdan si Scarlett. Nasanay siya na palagi itong malumanay at masurin sa kanya. Tama nga siya. May tinatago itong kulo sa loob.

"At bakit? Tingin mo ba natatakot talaga ako sayo? Hindi ka pa ipinanganak, pabalik na ako Scarlett. Ako ang huwag mong hamunin dahil baka makikita mo ang hinahanap mo!"

Pinahid niya ang mga luha sa kanyang pisngi at nag-angat ng tingin sa kanyang dating biyenan. Hindi pa siya kailanman nagalit ng ganito. Ngayon palang. Paano niya ba nakaya ang walong taon na kasama ito?

Napahawak siya sa kanyang tiyan ng sumigid ang kirot sa parteng iyon. Ilang sandali niyang kinalma ang kanyang sarili bago hinanap ang video ni Liam at Daphne sa loob ng hotel na nasa kanyang cellphone kung saan niya ito nahuli at walang pag-aalinlangan na iniharap kay Amelia.

Nanlaki ang mga mata ni Amelia nang makita si Liam na n*******d sa video kasama si Daphne. Agad na umusbong ang takot sa kanyang dibdib. "You dirty bitch! Ibigay ko sa akin yan!" Aniya at sinubukang hablutin ang cellphone ni Scarlett pero mabilis naman itong iniwas ng huli.

"Dirty?" Sarkastiko siyang natawa. "You're right. Liam is dirty! Ano nalang kaya ang mangyayari kapag ipinasa ko ang video na ito sa boss ni Liam?"

Naniningkit sa galit ang mga mata ni Amelia. "Delete that video Scarlett! Baka nakakalimutan mong nasa police station parin tayo! Gusto mo bang dagdagan ko pa ang reklamo ko laban sayo?!" 

"Hindi ako natatakot sayo, Amelia," sarkastiko niyang turan. Minsan pala ay masarap ding maging walang modo kung ganung klase ring tao ang kaharap mo. "Gusto mong idelete ang video na'to hindi ba?" Tanong niya sa nakakalokong boses.

Napansin man ni Amelia ang panunuya ni Scarlett sa kanya pero hindi na iyon mahalaga pa. Ang kailangan ay madelete ang video na posibleng maging dahilan ng pagkalaglag ni Liam.

"Ano bang gusto mo Scarlett?"

Umangat ang sulok ng labi ni Scarlett sa naging takbo ng usapan nila. "Diba humihingi ka sakin ng three hundred thousand kanina? Pwes ngayon ako naman ang manghihingi sayo. Pay me three hundred thousand Amelia at buburahin ko na ang video na ito."

Pagak na natawa ang ginang. "You wish!"

"Bakit? Mas mahalaga pa ba ang three hundred thousand kaysa reputasyon ni Liam? Kapag napromote na siya sa trabaho niya, mas malaki pa ang kikitain niya. Hindi ba? Three hundred thousand in exchange for your son's bright future. Hindi narin masama."

Halos mamula na sa galit si Amelia dahil sa mga pinagsasabi niya. "Sa tingin mo ba magtatagumpay ka sa pagbabanta mo sakin? Hindi ka mananalo laban sa'kin Scarlett!"

Nagkibit balikat naman siya. "Well, kung ayaw mo, wala na akong magagawa pa diyan. Basta isipin mong nasa cellphone ko parin ang video na'to. At ipapalabas ko, hmmm… depende sa mood ko," nakangisi niyang wika.

Tiningnan ni Amelia si Scarlett mula ulo hanggang paa. Hindi siya kailanman magpapatalo sa babaeng ito. "Alam mo ba kung bakit ka iniwan ng anak ko? Dahil losyang ka na. Daig mo pa ang isang baboy. Tingnan mo nga ang sarili mo sa salamin? Hindi ka ba nahihiya? Dapat nga ay matagal ka ng iniwan ng anak ko! Magpasalamat ka na lang at binigyan ka pa niya ng pansin!"

Hindi paman nakakasagot si Scarlett ay pumasok na ang isang matangkad at gwapong lalaki. Kanina pa dapat lumapit si Kairo kay Scarlett pero natigilan siya nang marinig ang pinagsasabi ng babaeng kausap nito.

Agad siyang nakaramdam ng awa habang pinagmamasdan si Scarlett na inaalipusta ng matanda. Maluwag ang damit nitong suot at magulo ang buhok. Halata din ang naglalakihang eye bags nito at mukhang pagod na pagod na ang itsura.

Nabasa na niya ang impormasyon tungkol kay Scarlett pero hindi niya aakalain na ganito kalala ang sitwasyon ng babae. Literal na sobrang putla nito at para bang pinagsakluban na ng mundo.

Nang akmang duduruin ng ginang si Scarlett ay agad na siyang pumagitna sa dalawa. "Excuse me, Ma'am. I am Scarlett Dorothy Lopez's lawyer and I have recorded every insult you had just said to my client."

Nalilito namang tiningnan ni Amelia ang bagong dating. "At sino ka naman para makialam sa aming dalawa?"

Humugot siya ng business card at inabot kay Amelia. "I am Kairo Timothy Vasquez of Nexus Legal Group and Miss Lopez's lawyer. Please understand that everything you say will be used against you in the court kaya't mas mabuti pong humihanon kayo at bigyan ng respeto ang kliyente ko."

Tinanggap ni Amelia mag business card at sinipat ng tingin. Lihim siyang napasinghap nang mapagtantong hindi magbibiro ang kaharap niya. Galing sa isang sikat at hindi basta-bastang na law firm sa buong Pilipinas ang lalaking kaharap niya. 

Hindi niya maiwasang mapasulyap kay Scarlett. Paano ito nagkaroon ng koneksyon sa Nexus gayong galing lamang ito sa mahirap na pamilya?