Chapter 79

CHAPTER 79

Pagkapasok ni Ayesha sa silid kung nasaan ang kanyang mga magulang ay katahimikan kaagad ang sumalubong sa kanya.

"B-bakit po? A-ano po ang pag uusapan natin?" kandautal pa na tanong ni Ayesha sa kanyang mga magulang na nananatiling tahimik.

Napatikhim naman si Daniel dahil doon at mataman nyang tinitigan ang kanyang anak. Isang malalim na bunting hininga pa muna ang pinakawalan nya bago sya nagsalita.

"Anak may hindi ka ba sinasabi sa amin ng mommy mo? Gaano mo ba kakilala ang nobyo mo? Siguro naman ay alam mo kung ano ang ibig kong sabihin," seryosong tanong ni Daniel kay Ayesha. Napabuntong hininga naman si Ayesha at naupo na muna sya sa kaharap na upuan ng kanyang nga magulang.

"Mom, dad kung ang ibig nyo pong itanong sa akin ay kung bakit kamukha ng kambal si Lucas ay hindi ko pa rin po talaga alam kung bakit. Pero malakas po ang kutob ko na sya ang ama ng mga anak ko," pag amin ni Ayesha sa kanyang mga magulang.

"Ibig mo bang sabihin ay kaya mo sya naging nobyo dahil