Kabanata 013

Lingid sa kaalaman ng lahat, si Olivia na head ng HR Department ay ang nag-iisa at nakababata kong kapatid. Kagaya ng kahilingan ni Olivia gusto niyang itago ang tunay naming kaneksyon sa isa’t - isa . Ayaw niyang sabihin ng tao na nakuha niya lang ang posisyon niya ngayon ng dahil lang sa akin. Gusto niyang patunayan na kaya niyang makakuha ng mataas na posisyon sa Antonio’s Corporation ng walang tulong ko, kahit mga top management at share holders ay walang nalalaman tungkol dito dahil sa pribado ang aming mga buhay mula pa noon. Ilang beses man siyang pigilan nila Mommy na magtrabaho ay wala din silang magawa dahil sa katigasan ng ulo ni Olivia. Marahil ay ito din ang nagustuhan ko kay Chloe na pagkakahawig sa aking kapatid.

“Alam ko kuya noong simula pa lang napapansin ko na ang pagtingin mo kay Chloe!, hindi ikaw yan Kuya hahaha" natatawang sagot niya sa akin

Bigla naman akong napangisi sa sinabi sa akin ng aking kapatid. "Ganoon na ba kahalata ang pagkahibang ko para kay Chl