58 - Confession

Napakunot ang noo ko nang pagbaba ko ng sasakyan ay nakita ko ang kotse ni Kelvin.

Kagagaling ko pa lang sa school ni Antalia dahil hinatid namin ito ni Fernan papasok.

Alas otso pa lang ng umaga pero bakit nandito na ang kapatid ko? Kilala ko ang kotse niya dahil tandang-tanda ko ang plate number noon. Isa pa madalas akong sumakay sa kanya. May nakita rin akong isa pang kotse sa dami ng sasakyan ni Kelvin.

Mabilis akong pumasok sa kabahayan. Nakita ko si Claribel na may dalang tray na may tatlong orange juice.

"May bisita ba?" tanong ko sa kanya kahit may ideya na ako kung sino ang dumating.

"Oo, nandiyan ang mga kaibigan ni sir," malapad ang ngiting saad ni Claribel. "Sandali lang, ihahatid ko lang sa kanila ito." Dumiretso na ito patungo sa may pool area.

Mukhang excited pa ito.

Ano naman kaya ang ginagawa ng magaling kong kapatid dito ng ganito kaaga?

Sa ilang buwan kong pananatili dito ay ngayon lang siya pumunta rito.

Sumunod ako kay Claribel pero balak ko lang sana silang silip