34 - Ignoring him for real

Kinabukasan ay maaga akong nagising pero nang bumaba ako ay nakita kong gising na ang lahat nang mga kasamabahay maging si Manang Rita. Maaga talaga silang gumigising palagi araw-araw lalo na si Manang para maghanda nang agahan. Pero ngayon kasabay nila akong gumising. Hindi ako nakatulog nang maayos dahil matapos kong umiyak ay ginugol ko ang oras kong magsulat. Kesa mas lalo ko pang isipin ang nakita ko at madrepress kaiisip ay nagtrabaho na lang ako. Mabuti na lang at kahit saan ako pumunta dala ko palagi ang laptop ko kaya kahit nagtatrabaho ako dito bilang nanny ni Antalia ay may iba pa akong trabaho kundi ang pagsusulat.

"Katarina, umiyak ka ba?" nag-aalalang tanong ni Ate Emma nang maupo ako sa tabi niya kung saan naghihiwa siya nang kamatis na ilalagay yata sa ginisang ampalaya.

Sumasakto sa nararamdaman ko ang ulam namin sa agahan. Hindi ko mapigilang mapangiti nang kasing lasa ng ampalaya nang sumagi na naman sa utak ko ang natanggap kong larawan. Kung pwede lang burahin s