Chapter 15: Meet Ismael

“HINDI ka ba talaga magpapasama?” tanong ni Laura kay Asia.

“No need. Kaya ko ‘to. Okay?” Nag-spray na siya noon ng pabango. “Saka mahabang pila ‘yon. Baka hindi niyo kayanin.”

“Akala ko ba may contact ka?” Si Andrea.

“Yes. But isa lang ang kaya niyang i-cater.”

“I see. Hintayin na lang namin si Lexxie.”

“Darating siya?” hindi makapaniwala si Asia.

“Parang? Tawagan ko siya ulit.”

“Sige. Sige. Basta after kong makausap si Ismael, uwi agad ako para maka-jam sa inyo.” Humarap siya sa mga ito. “Bagay ba?” Tukoy niya sa suot.

“Yeah. Hindi ka ba talaga magpapasama? What if masamang tao ‘yang Ismael?” Si Laura ulit. Halata sa mukha nito ang pag-aalala.

“Ano ka ba, kilala naman ng pamilya natin ang publisher. I’m sure safe naman.”

“Okay.”

Isang kanto lang ang layo ng mall pero sumakay pa rin siya ng taxi. Ayaw niya namang humarap na hulas na. Saka pipila siya gaya ng iba. Pero magkakaroon lang siya ng 20 minutes face to face kay Ismael mamaya, after ng signing nito. Iyon ang napag-usapan nil