Chapter 11: Stay With Me

MASIGABONG palakpakan ang sunod na nangibabaw sa function hall ng Hotel De Astin matapos ang sayaw ni Laura at Astin sa gitna.

Napatingin siya sa ina nang hawakan nito ang kamay niya. Pinisil din nito iyon.

“Darating din ang lalaking para sa ‘yo, anak. Magtiwala ka lang. Okay?” masuyong sambit ng ina na si Darlene. Ngumiti pa ito nang matamis.

Napaharap tuloy si Asia sa ina.

“Bakit mo naman nasabi ’yan, Mom?”

Hinaplos nito ang pisngi niya. “Kanina pa kita napapansin na wala sa mood. I know it hurts but—”

“Mom, hindi po si Astin ang rason kung bakit wala ako sa mood. Masaya ako para sa kanila. Really.”

“Oh. I thought si Astin ang rason kung bakit ka ganyan. Ibig bang sabihin niyan naka-move on ka na sa kanya?”

“I think so.”

“That’s good to hear.” Pero napakunot ng noo ang ina. “Eh, bakit ka ba ganyan? Baka mamaya sabihin nila hindi ka masaya para sa kanila.”

MoRight! Napaayos siya nang upo. Si Callen may dahilan kung bakit siya nawalan nang gana. Baka nga naman mag-isip ang iba na ba