Chapter 35.4

At doon natapos ang usapan namin. Tumayo na ako bumalik sa loob. Nadatnan ko si Ace na nakaharap kay Kyrous. Nakangiti naman si Kyrous habang sinisintas ang sapatos ng bata.

Bigla akong nakaramdam ng lungkot. Kung bubuhayin ko ang anak namin ni Kyrous, sayang naman dahil hindi niya mararanasan ang alaga ng daddy niya.

Hapon na nang bumyahe ako kinabukasan. Masama talaga kasi ang pakiramdam ko tuwing umaga. Mag-isa akong bumalik sa Maynila at dumiretso sa condo kung nasaan ang unit na iniregalo sa akin ni Kyrous. Dahil sa pagod, nagpa-init lang ako ng tubig, kumain ng cup noodles bilang dinner bago humilata sa malambot na kama.

Nagising lang ako dahil sa sunod-sunod na pag-ring ng phone ko. Inaantok ko iyong kinapa hanggang sa maabot. Iminulat ko pansamantala ang mga mata para sagutin ang tawag. "Hello?" bati ko nang itapat iyon sa tenga ko.

"Scarlet, where are you? Malapit nang mag-close gate," nag-aalalang boses ni LJ

"Ano?!" Nagising ang diwa ko dahil sa narinig at napabangon.