Chapter 64: Friends Even In Hardest Battles

Samantala, habang si Ralph naman ay masaya ay kabaligtaran naman ang nangyayari kay Glory. Nag aaway na sila ni Joaquin sa office dahil sa nangyari at ngayon ay matumal pa at kakaunti ang clients na nagpapagawa sa kanila ng project dahil nalaman ng lahat na naloko sila at nawalan ng one hundred million pesos.

Ngayon ay kailangan pa nilang bayaran ang mga foreman, contractors at mga construction worker na hindi natapos ang kanilang trabaho sa naunsyaming project.

"Kinausap lang kayo ng maayos, pumayag na kayo eh, dapat hindi muna kayo nag go sa project, sinabi ko na yan, kulang sila ng supporting documents, tinuloy pa rin, wala pa palang bayad!" saad ni Joaquin na masamang masama ang loob.

"Nag meeting tayo dyan, bakit ako lang ang sinisisi mo?!" singhal ni Glory kay Joaquin.

"Hindi naman kita sinisisi ah?!"

"Joaquin, lahat tayo nag agree, recorded pa nga ang meeting na iyon, ako lang ang nag present sa inyo dahil ako ang nilapitan nung client! I only share it with the board!" sin