Kabanata 3

Pagkatapos ng dalawang segundong pananahmik, narinig ko siyang sumisinghal sa kabilang linya.

“Nagawa mo pang magsinungaling sa akin para lang tratuhin kita nang maayos, Clarissa. Ito ba ang dahilan kung bakit ka nagsabi nang ganoon?” Tanong ni Chris.

Ipinikit ko ang aking mga mata bago ako gumawa ng isang mapait na tawa.

Alam ko na hahantong sa ganito ang lahat.

Alam ko rin na kahit gaano pa katindi ang paghihirap na danasin ko, mas importante pa rin si Ruth para sa kaniya.

Pero kahit alam ko na ang lahat ng ito, nagkaroon pa rin ako ng kaunting delusyon sa aking isipan.

Dito ko na biglang naramdaman ang pagkahilo na bumaba sa aking lalamunan. Agad akong lumiyad papunta sa dulo ng kama para magsimulang sumuka.

Hindi ito alam ni Chris kaya nagpatuloy siya sa pagsasalita gamit ang boses niyang puno ng superiority.

“Kung gusto mong magtantrum, gawin mo ito nang magisa. Huwag mong idamay ang girlfriend ni Caleb dito. Nagkasundo sila na makikipagkita sila sa kanilang mga magulang para mapagusapan ang petsa ng kanilang kasal pero hindi na nila ito mahanap ngayon!”

“Napagdesisyunan mong mandamay ng ibang tao dahil hindi mo magawang imanage nang maayos ang sarili mong relasyon. Nagawa mo pang idahilan ang sarili mong buhay para lang makuha ang gusto mo. Hindi mo ba naisip na sumosobra ka na? Ano na ang hihingin mo sa akin sa sandaling pagbigyan kita ngayon? Sasaktan mo na ba ang sarili mo para pilitin ako na gawin ang bagay na pinapagawa mo sa akin?”

Kahit na ano ang mangyari, nakatatak sa isipan ni Chris na pinaplanuhan ko ang lahat para itake advantage ang walang kwenta niyang simpatya.

Sa isang party last year, binigyan ako ni Ruth ng pagkain na nagtrigger ng allergies ko. Agad akong nilagnat nang mataas na halos ikamatay ko.

Pero kahit na sa mga sandaling iyon, nanlalamig at naiinis pa rin akong tiningnan ni Chris.

“Clarissa, nakakainis talaga ang pagsisinungaling na ginagawa mo sa ibang tao.”

“Hindi ba gusto mo lang ikasal sa aking pamiya? Naloko mo na ang mga magulang ko para mapapayag sila na ikasal tayong dalawa. Kaya bakit kailangan mo pang ipagpatuloy ang pagkukunwari mo?”

Para kay Chris, isa akong malupit na babaeng paulit ulit na nananakit sa aking sarili para sirain ang malapit nilang pagkakaibigan ni Ruth.

Desperada ko noong ipinapaliwanag ang aking sarili sa bawat sandaling sasabihin niya ito sa akin.

Pero napagod na ako nang husto ngayon kaya wala na akong mabanggit na kahit ano para ipagtanggol ang aking sarili.

“Chris, ayaw ko nang ituloy ang kasal. Ako ang personal na magpapaliwanag sa iyong mga magulang sa sandaling bumuti ang aking lagay. Hindi ako makakapunta sa party ngayong araw.” Kalmado kong sinabi bago ko ibaba ang phone.

Nasurpresa ako nang biglang pumunta sa ospital si Chris.

Agad akong napasimangot nang makita niya akong nakahiga sa hospital bed.

Pero bago pa man siya makapagsabi ng kahit na ano, naglakad papasok sa ward si Ruth.

Kinuha niya ang braso ni Chris gaya ng kaniyang nakasanayan bago siya sumandal dito.

Binigyan ako ni Ruth ng isang tingin na nagpapakitang siya ang may kontrol sa lahat. Pero mabilis pa ring nagpakita ng itsurang puno ng simpatya ang kaniyang mukha.

“Ano ang nangyari? Bakit nagkaganito si Clarissa?”

“Patawarin mo ako, Clarissa. Hindi talaga maganda ang pakiramdam ko noong isang araw. Ito ang dahilan kung bakit ako pinuntahan ni Chris. Huwag kang magalit sa kaniya. Hinihintay ka na ng mga magulang mo sa hotel. Pinapahirapan mo siya kung hindi ka sasama ngayon.”

Bago pa man niya matapos ang nagkukunwari niyang speech, agad itong pinutol ni Chris sa pagsasalita.

Tiningnan niya si Ruth na para bang humihingi siya ng pasensya rito.

“Hindi mo kailangang sabihin ang mga bagay na iyan sa kaniya, Ruth! Clarissa, sumosobra ka na! Iniisip mo ba na susuko ako dahil lang sa palabas na ipinapakita mo ngayon? Kailangan mong humingi ng tawad kay Ruth at sa ating mga magulang ngayundin!”

“Ito na ang huling pagkakataon na ibibigay ko sa iyo. Hinding hindi ka na magiging parte ng mga Zachman sa sandaling tumanggi ka sa akin!” Sigaw nito.

Suminghal naman ako sa kaniya.

“Tapos na tayong dalawa, Chris. Umalis na kayo ng girlfriend mo sa ward ko!”

Mahahalatang naiinis si Chris nang mabanggit ko ang pinakamamahal niyang si Ruth.

Itinaas niya ang kaniyang kamay para sampalin ako nang malakas sa mukha.