Chapter 31.1

"AKO na ang kakausap kay Zayne sir please?"

Napatingin si Zekiel kay Claire ng magsalita ito, papaalis na sana ang binata upang sundan si Zayne.

"But Venice ayokong mapahamak kayo—"

"Sir, I can handle myself at isa pa hahayaan ko bang mapahamak ang anak ko?" natahimik si Zekeil dahil sa sinabi ng dalaga at maya-maya ay unti-unti na 'rin itong napatango kaya napangiti si Claire kahit papaano.

Alam niya na nagagalit si Zayne dahil sa ginawa niyang panloloko dito isang buwan na ang nakakaraan kaya gusto niya ay siya rin mismo ang aayos ng gulong ginawa niya. Tumayo na siya at nakaalalay doon si Zekiel, naiilang na siya sa ginagawa ng binata. Hindi siya sanay sa mga ginagawa nito pero hinayaan nalang muna niya.

Lumabas siya ng kwarto at itinuro ni Zekiel ang kwarto doon ni Zayne at agad niya iyong pinuntahan. Pagbukas niya ay nakita niyang sarado ang bintana niyon at medyo madilim ngunit kita pa 'rin niya si Zayne na nakatalukbong ng kumot.

Napabuntong hininga siya doon at kumatok sa