CHAPTER 150

“NAKU ay kakaluwas pa lang po nila noong nakaraang araw. Mukha po kasing maysakit si Thalia mula noong bumalik ito galing Maynila,” sabi sa kanila ng napagtanungan nila.

Tila nanlumo naman sila dahil sa narinig. Nahuli na naman sila. Napaiyak naman si Carolina dahil sa pagkabigo na makita ang anak na si Thalia. Sobrang nalungkot sila na hindi naabutan ang kanyang mag-ina. Kitang-kita din ang kalungkutan kina Antonio at Ronaldo.

“Mommy maysakit daw ang asawa ko. Anong nangyari sa kanya?” puno ng pag-aalala na sabi ni Earl.

“Kung nasa Maynila na sila mas mapapadali ang paghahanap natin sa mag-ina mo,” saad ni Antonio.

“Kailangan nating madaliin ang paghahanap sa kanila kuya. Narinig mo naman ang sabi ng kapitbahay nila, maysakit ang anak ko,” naiiyak na sabi ni Carolina. Si Ronaldo naman ay nanatiling tahimik at nakailang buntong-hininga na.

“May kasama daw itong babae at lalaki. Sina Tindeng at Victor, sabi ay magtiya daw yun,” sabi pa ni Antonio.

Puno man sila ng panghihinayang ay pin