Chapter 39

HINDI alam ni Zahra kung ano ang nangyayari. Bigla na lang siya pinag-empake ni Lorenzo at sinabing aalis sila. Natakot pa siya dahil akala niya ay ilalayo na naman nito ang anak sa kanya pero gano'n na lang ang gulat niya nang pati mga gamit ng anak ay pinahanda nito pati kay Manang Aiza.

Pero alam niya na hindi na 'yon mangyayari. Matapos niya malaman na si Lorenzo ang kanyang Kuya L ay mas napanatag siya. Kaya pala iba ang dating ng mga kilos nito sa mga nagdaang araw. Kaya pala sa halos dalawang taon nilang mag-asawa ay madalang lang siya nito lapitan. Dahil daw baka hindi ito makatiis at umamin sa kanya. Pero gulong-gulo pa rin siya. Ang dami-dami pa rin mga tanong sa isip niya. Tulad na lang; Ano'ng koneks'yon nito kay Clyde? Naniniwala siya na hindi lang basta parehong businessman ang dalawa. There was something more to it. Nabalik siya sa sarili nang pumasok si Auntie Agnes sa silid kung saan sila dinala kanina.

"Auntie, what happened?" agad niyang tanong saka ito nilapitan pa