Chapter Thirty

MALAKAS niyang isinarado ang pinto ng kotse niya. Diretso lang siyang pumasok sa mansyon, kahit nakita na niya si Aizo at ang asawa nitong si Lauren kausap ang Lolo Ghad niya.

"Kambal! halika muna rito!"pagtawag sa kanya ni Aizo, ngunit hindi niya ito pinansin. Tuloy-tuloy sa pag-akyat sa matarik na hagdan si Aevo.

"Hindi pa rin pala kayo nagkakaayos apo,"puna ni Ghad na naiiling.

"Siya nga Lo dadalawa na nga lang silang magkapatid pero panay ang away,"wika naman ni Lauren.

"Ano ba naman Love, nakikipag-ayos na ako sa kanya. Pero siya itong may ayaw may magagawa ba ako. Dumidikit kasi siya sa babaeng iyon kaya ganyan na inaasta,"pikon na saad ni Aizo.

"At sinong babae naman iyon?"ang biglang tanong ng Lola nila na kakaupo lang din.

"Huwag niyo ng masiyadong pinapansin itong apo niyo La,"sabi naman ni Lauren na siniko pa si Aizo.

"Totoo na