Chapter 69

James Pov...

Masarap maging magulang pero mahirap magpakamagulang lalo kung hindi mo na kilala ang mga anak mo. Ang mga anak ko ang aking kaligayahan at pinalaki ko ayun sa alam kung tama pero hindi pa pala sapat ang ginawa ko.

Pangatlong araw na kasi ngayon na umuuwi dito si Samantha na pagod na pagod ang hitsura. Hindi rin siya umiimik tuwing darating ay deretso sa kanyang kwarto. Para siyang may sariling mundo at umuuwi lang dito para matulog. Nakalock din lagi ang kanyang kwarto na hindi naman niya dating ginagawa. Nag - aalala akong baka may masamang nangyayari na sa kanya simula pinalayas ko rito. Pinalayas ko para habulin niya ang lalaking kinababaliwan niya at dahilan ng mga ito. Hindi ko siya pinalayas para magrebelde.

Tinawagan ko si Jordan na pumunta dito baka sakaling kinakausap siya ng kanyang kapatid. Siguro kinakasuklaman na ako ni Samantha dahil sa ginawa ko. Naglagay na kasi siya ng boundary sa amin.

"Dad.. What happened?" Humahangos na tawag ni Jordan pagkabukas