Chapter 130

“Nagpapasalamat nga po ako kay Direk Richard dahil hindi po niya kami pinapabayaan ni M. Parati niya po kaming inaalalayan kapag may mabibigat na eksena lalo na po si M dahil baguhan pa lang po siyang artista.”

Halos manliit na ako kung paanong i-build up ako nitong si A sa mga executives ng network na kaharap namin sa ngayon. Last minute na kasi nang nagpasabi ang mga ito na bibisita sa amin, at dahil maliit na bahay ang location namin ngayon ay wala akong choice kung hindi ang dito na lang sila i-accommodate sa aircon tent na para kay A.

“Kaya nga talagang hinintay namin na mabakante ang schedule nitong si Direk para sa first project n’yo na ito ni M. Alam namin kasi na iingatan niya kayo at aalagaan especially nga si M dahil bago ang lahat ng ito sa kanya. Kumbaga ay nasa mabuting kamay kayo at ang loveteam ninyo.”

“Wala naman po akong nagiging problema sa mga batang ito, sir. Wala pong pasaway at primadonna s