Chapter 117

“Kailan nga itong binabalak mong proposal Rekdi?” Tanong sa akin ni Tay Matt habang pareho na kaming nasa loob ng ObVan.

Katatapos lang ng isang eksena kaya nagse-set up pa ngayon sa floor. Hindi ko na naman kinakailangang bumaba pa at magpunta roon dahil nakapag blocking na rin ako kanina para sa susunod na eksenang kukunan. Dahil nga sa continuation lang naman ang susunod na eksena kaya hindi magbabago ang artistang kailangan sa next sequence. Set up lang ang pinabago ko sa kanila kaya ang punong abala ngayon sa floor ay ang lighting at art department. At nandoon naman si Juls, tiwala ako na nasu-supervise niya ang gusto kong mangyari para sa kukunang eksena.

“Sa twenty-four sana Tay Matt. Tamang tama kasi dahil wala rin tayong trabaho noon dahil nga may shoot sa Morocco ang mga artista natin. Kaya sana makikiusap ako sa inyo, alam n’yo naman na kailangang kailangan ko ang suporta ng mga taong malalapit sa akin at kayo iyon. Kayo