CHAPTER 4

EIZZRIE

Dumiretso na agad ako sa sala at naabutan ko silang nakaupo sa mahabang sofa habang hinihimas ni Aling Perla yung ulo ng babae. Naririnig ko bang tinatanong niya ito kung nahihilo ba siya o hindi.

Lumapit ako sa kanila at saka umupo sa single sofa chair. Tinignan ko ang gawi nila at nakita kong nakatingin na rin sila sa akin.

"May gusto ka bang iutos, hija?" malumanay na tanong ni Aling Perla sa akin. 

"Wala po, Aling Perla..." pagpuputol ko, naiilang.

"Sorry, hindi ko talaga sinasadyang matamaan ka ng bola, sorry ulit." nakayuko at mabilisan kong sabi. Tumayo ako at mabilisang naglakad patungo sa hagdan. Hindi ko matiis ang pagkailang kaya kahit nakakabastos ay dali-dali akong umalis.

Pero bago ko pa man marating ang hagdan ay nakasalubong ko yung manyakis. May dala-dala siyang cold compress at saka bimpo. Para siguro sa babae iyon. Sinamaan ko siya ng tingin.

"Ano ang ginagawa mo sa bahay na ito?" angil ko sa kaniya.

"Taking care of things that you should be doing. Hindi ka man lang maging sincere sa paghingi mo ng tawad, tinalikuran mo pa." ngisi niyang tugon. Muling nagsalubong ang kilay ko.

"Coming from you? Ikaw nga hindi man lang nagsorry sa ginawa mo." sarkastiko kong tugon, nameke pa ako ng tawa.

"You don't even listen to what I'm explaining, so why bother to apologize, besides as if you'll forgive me." ayon lamang ang sinabi niya at nilagpasan niya ako. Hindi niya ako tinitignan sa buong pag-uusap namin, akala mo kung sino.

Sinundan ko siya ng tingin hanggang sa makalapit doon sa babae, nakita ko pang inilagay niya ang cold compress sa bunbunan ng babae.

Padabog akong umakyat sa kwarto at saka isinara ang pinto. Umupo ako sa kama at pinagkrus ang mga braso at inis na kinausap ang sarili.

'Sino ba yong lalaking iyon?!' inis kong sabi sa isip.

Kung hindi ako nagkakamali, yung babaeng iyon ay ang anak ni Aling Perla, pamilyar ang mukha niya dahil nakita ko na siya noon. Bigla tuloy akong na-guilty dahil sa inasal kanina. Kahit naiilang ay hindi ko dapat ginawa iyon.

Bumuntong hininga ako at humiga. Maaga pa pero sira na agad ang araw ko, nakakadismaya. I need to cheer myself up kaya napagdesisyunan kong ngayon ako magsisimulang kumuha ng swimming lesson, para kahit papaano ay matuloy ang mga plano ko sa pagbabakasyon ko rito.

I checked my phone and it was already 6:50 am. Nagsimula na akong maghanda dahil panigurado ay bukas na ang mga attractions at administration desks dito para makakuha ako ng swimming lessons.

Pumasok na ako sa banyo at nagsimulang maghubad ng kasuotan. I hopped on the shower room and let the water explore my body. Nagpump ako ng shampoo at nagsimulang ikuskos ito sa aking buhok. Makapal ang buhok ko at mahaba kaya kailangan talagang lagyan ng maraming shampoo.

Matapos iyon ay nagbanlaw, sinunod ko ang conditioner. I massaged my hair and after a minute, I rinsed it. Tumingin ako sa salamin at tinignan ang buhok ko. Abot na siya balakang ko. Sobra kong inaalagaan ang buhok ko dahil sa volume nito. Siguro nga ay dito na napupunta ang nutrisyon mula sa mga kinakain ko. Inabot ako ng ilang minuto sa pagmamassage ng buhok at saka ito binanlawan.

Nagsabon naman ako, kinuskos ko ang buong katawan gamit ang loofah na nakasabit mula sa gilid. Bawat sulok ng katawan ko ay kinuskos ko ng mabuti. Gumamit din ako ng feminine wash para sa maselan parte ng katawan ko.

Nang masiyahan ay nagbanlaw ako at nagpunas gamit ang tuwalya. Itinapis ko ito at dumiretso sa sink. Nag-apply ako ng cream at moisturizer sa mukha. Kinuha ko na rin ang sipilyo at nagsimulang mag-toothbrush. Matapos ay nagmumog at lumabas na ng banyo.

Pero nagulantang ako ng bumungad sa akin yung manyakis pagkalingon ko sa pinto. Nakita ko rin na nagulat siya pero agad niya iyong binawi at nag-iwas ng tingin.

"Anong ginagawa mo rito?! Napakamanyak mo talaga!" sigaw ko, umaapaw na ang inis ko sa isang ito.

Dahil doon ay agad niyang sinara ang pinto sa likuran niya at lumapit sa akin para takpan ang bibig ko. Ang lapit ng mukha niya mula sa akin kaya nanlaki ang mga mata ko. Pilit kong tinanggal ang kamay niya mula sa bunganga ko pero masyado itong matigas kaya kahit maiangat ay hindi ko magawa.

"Huwag ka ngang maingay! Baka isipin nila kung ano ang ginagawa ko sayo!" inis niyang bulong kahit malakas naman.

Sinamaan ko siya ng tingin at tinanggal niya ang kamay niya. Nilayo na rin niya ang mukha sa akin. Ngayon ko lamang nakita ang salubong niyang kilay dahil sa inis. Lagi kasi siyang seryoso.

"At bakit?! Minamanyak mo naman talaga ako ha?!" angil ko sa kaniya.

Nakakamangha kung paanong mabilis na bumalik ang inis niyang mukha sa seryoso. Isinuksok niya na rin ang dalawang kamay sa bulsa ng beach shorts nya.

"Really? Stop with your self-entitlement delusions. I have no interest in you nor your body. I'm here to get the pain killer meds that Aling Perla asked me to get here, not to deal with you and your imaginations, miss." dire-diretso niyang tinugon, nakatingin lang sa mukha ko.

Mas lalo ko lamang siyang sinamaan ng tingin. Napahiya ako doon. Tinarayan ko siya at tinalikuran. Lumapit ako sa may drawer at kinuha yung gamot. Binato ko iyon sa kaniya dahil ayoko siyang dikitan.

"Now, leave!" asik ko. Tumalikod naman siya ng walang sinasabi at lumapit sa pinto para buksan iyon. Lumabas siya at bago isara ang pintuan ay nagsalita ito.

"Get dressed, and please if someone entered your room without you knowing and you're appearance is like... that, hide yourself instead of yelling." sabi niya, hindi man lang ako nilingon at isinara ang pintuan.

'What?! Siya pa talaga ang may gana magsabi ng ganon, eh siya nga yung pumapasok ng kusa!'

Padabog kong isinara ang kurtina sa transparent door sa terrace. Hinubad ko ang nakatapis na tuwalya sa aking katawan at nagsuot ng underwear pati bra. 

'That guy is really hitting my nerves, how dare him?' sabi ko sa isipan habang nagpapatuyo ng buhok gamit ang blower. Nakaupo ako sa kama.

Para na akong tanga dahil tinatarayan ko ang salamin sa harapan ko. Hindi talaga mawala sa isip ko kung paano ako insultuhin ng lalaking iyon. Bakla ba yon?

Nang matapos sa pagpapatuyo ay saka naman ako nagbihis ng off-shoulder white dress. Nagsuot rin ako ng brown boho strapped sandals na bumagay sa suot kong damit. Para makumpleto ang outfit ay dinala ko na rin ang beach hat ko at sunglasses.

Tinignan ko ang kabuuan kong repleksyon sa salamin at nasiyahan sa itsura. I applied sunblock and light make-up in my face.

Lumabas na ako ng kuwarto at pumanhik pababa.  Laking pasasalamat ko dahil wala na sila doon kaya nagpatuloy na ako para lumabas.

'I don't want to see his face. That guy is literally ruining my vacation here.' sabi ko sa sarili at umiling-iling. Kailangan ko i-enjoy ang araw na ito, ayokong masira dahil lamang sa isang lalaking manyak.

Kinuha ko ang cellphone ko mula sa mini hand bag na dala-dala ko at tinignan ang oras. Its 7:34 in the morning. Matapos yon ay ibinalik ko sa bag at diretsong tumingin sa malawak na asul na dagat. I smiled as the fresh wind blew my hair. 

Before heading to the administration office, tumakbo muna ako patungo sa pampang. Tinignan ko muli ang kabuuan ng dagat at nginitian ito.

'I'll overcome you sooner, mag-aaral akong lumangoy.' sa isip-isip ko.

I went straight to the office after that, halos sampung minutong lakaran lang naman papunta doon, besides sa seashore ako naglakad para hindi mainip sa paglalakad.

Nang makarating sa isang cabin-like house ay pumasok ako dito. Pinaupo ako ng crew sa isang wooden chair sa tapat ng isang wooden table. Sa harapan ko ay isang babaeng mahaba ang buhok, nakasuot ng yellow polo shirt at nakasalamin pa. 

I looked at the nameplate sa harapan ko. Siya yung manager sa resort na ito. 

"Good morning ma'am, what can we do for you?" malugod niyang pagbati.

"Uhm, I just want to ask if you have swimming lessons here in the Coast." nakangiti kong tugon.

"Unfortunately ma'am, we don't have that kind of service here in the Coast..." nadidismaya niyang tugon na nagpadismaya rin sa akin. Tumango-tango ako kahit dismayado.

"But we can suggest you to inquire for surfing lessons, our surfers here are also swimmers, maybe we can manage to settle the discussion about your swimming lesson." dugtong niya. Napaisip naman ako. 

"But I think, that'll will cost additional fees since kailangan pa namin kausapin ang isa sa mga surfers namin kung papayag sila." dagdag pa niya.

Great! If I'll take up surfing lessons and pumayag yung surfer sa swimming lessons, it'll be 2 in 1. I'll learn to swim and right after, surfing!

"Sounds great!" masaya kong tugon.

"What gender do you prefer ma'am for your surfing instructor?" tanong nito, may hawak-hawak na siyang ballpen at handa na magsulat.

"Babae sana." sagot ko. Mas magiging kumportable kasi ako kapag babae ang magtuturo sa akin.

"Okay ma'am, I'll look into it and please wait here for a while." tugon niya, nginitian ko na lamang siya at pumirmi sa kinauupuan. Tumayo siya at pumunta sa likuran ko, may kinuha siya isang notebook mula doon at bumalik.

"Sad to say po, but we only have one available surfing instructor, and lalaki po siya ma'am." may bahid ng pagkadismaya.

Tumango-tango ako at nag-isip. Mababait naman siguro ang mga tao rito maliban doon sa manyakis. Wala naman siguro mangyayari sa akin at mawawala sa akin kung lalaki ang kukunin kong instructor. Besides, I don't have a choice, I want to enjoy my time here so I need to learn how to swim.

"Sige po, okay lang." tugon ko at saka ngumiti. 

Tumango siya sa akin at gumanti ng ngiti. "When do you plan to start your lessons ma'am?" dagdag na tanong niya.

"Today, please." sabi ko.

"Okay ma'am, please choose your time schedule. Every hour is worth five hundred pesos, hindi pa po kasama ang desired top-up ng instructor." paliwanag niya.

Tumango ako at tinignan ang ipinakita niyang papel. Nakita ko ang nakalagay na pangalan sa itaas. Dyrus Quent Mercado, surfer instructor/tour guide. Namili ako ng time and day schedule ko at sinulat doon.

Pinili ko ang 8 am to 10 am, every Monday, Wednesday, Friday and Sunday. Sinulat ko rin ang contact number ko at pangalan dahil nakalagay doon. Ibinigay ko ito muli sa babae at tinabi niya ito.

"Thank you, ma'am. You'll meet your instructor later at 8 am. Pumunta na lamang po kayo mamaya sa surfing stations and you may start your lessons. Sa kaniya na lang din po kayo magbabayad mamaya para mapag-usapan niyo ang additional fees." sabi niya.

Tumango naman ako at ngumit. Nagpasalamat na rin ako at saka lumabas. Hindi na rin naman magtatagal ay mag-8 na kaya tumambay na lamang muna ako sa beach lounge chair para hintayin lumipas ang oras.

Humiga ako at nilapag ang hat, shades at bag sa tabing mesa. Hindi rin gaano kainit dahil may payong na nakatirik sa bawat lounge chair.

Nagrelax lamang ako dito at dinama ang masarap na simoy ng hangin. Pero gaya nga nang sinabi ko, hindi rin nagtagal ay lumipas ang oras. Naghanda na ako para pumunta sa surfing station.

Pero naisipan kong bumalik na lamang muna sa bahay dahil malapit lang naman iyon doon. Magpapalit lamang muna ako ng pang-swimming. 

Nagpalit ako ng one-piece black swimsuit and beach slippers. Muli akong nag-apply ng sunblock at tumungo na sa surfing station.

Nang makarating ako doon ay inaasahan kong nandoon na ang instructor dahil walong minuto na akong huli, pero wala akong nakita bukod sa mga surfboards. Umupo na lamang muna ako sa bench at naghintay.

'Ang tagal naman niya! Baka taasan niya pa ang top-up niya ha, kurakot!'

"Ma'am Eizzrie, pasensya na ho at nahuli ako." rinig kong tinig ng isang pamilyar na boses sa likod ko. 

Nilingon ko siya at halos mapatalon ako sa gulat kung sino iyon. Nakasuot siya ng yellow na polo shirt tulad ng manager kanina at hapit na hapit ito sa kaniya kaya nalalantad ang malalaki niyang mga muscles at blue floral beach shorts.

"Ikaw?!" gulat kong tanong, halos matalsikan ko na siya ng laway dahil sa laki ng pagkaawang ng bibig ko.