Chapter Three

PALAKAD-LAKAD si Shaina ng mga sandaling iyon. Na-te-tensiyon siya na hindi niya mawari.

Sunod-sunod siyang napabuga ng hangin, agad niyang tinignan sa suot na relos ang oras. Halos kalahating oras na siya sa loob ng sarili niyang suite.

Parang mas gusto na niyang magkulong na  lamang doon at huwag nang pakiharapan ang walanghiya niyang ex!

"Bakit ba kasi bumalik-balik ka pang demonyo ka!"Nanggigil na anas niya sa kawalan.

Muntik pa siyang mapatalon sa pagkagulat ng makarinig ng sunod-sunod na pagkatok mula sa pinto.

Dali-dali niyang inayos ang sarili, ang secretary niya ang nasa  labas ng pinto.

"Eh, ma'am kanina pa po nagtatanong si Mr. De Guzman sa may lobby? A-Ano po ang sasabihin ko. . ."Aligaga nitong sabi.

"Sige ako ng bahala,"sagot ng dalaga.

Naiiling na naglakad papunta sa may hallway si Shaina. Sa itsura ng secretary niya ay natitiyak niyang ipinahiya ito ni Novice.

Kilalang-kilala niya ito, wala itong pakialam kung makasakit ito ng damdamin ng ibang tao.

Matapos niyang makalabas sa elevator ay dumiretso na siya sa may hagdan.

Pababa na siya ng makita niya mula sa 'di kalayuan ang bulto ni Novice. Nakatalikod ito sa kinaroroonan  niya, kasalukuyan itong nasa stool kung saan may i-sini-served na mga alak roon.

Maganda ang ambiance at pili ang mga design ng structure ang lobby nila. Mahilig sa nature si Shaina, kaya mas prefer nito na may mga halaman at bulaklak na nakakalat sa buong paligid. Para sa kaniya ay mas fresh at buhay na buhay tignan lahat. Nakakadagdag good vibes ika nga.

Naninigkit ang mga mata na lumapit siya lalaki.

"Hey! paano tayo mag-uusap kong nagpapakalasing ka riyan Mr.  De Guzman."kinontrol niya ang sarili.

Ayaw niyang makakuha muli ng atensiyon ng ibang tao. Katulad nang nangyari kanina-kanina lamang.

"Oh, hey there honey. . . mabuti naman at sa wakas tuluyan ka ng natawag ng secretary mo."nakangiting baling ni Novice sa dalaga. Agad itong nagpasalamat sa bartender matapos na maibigay nito ang inorder niyang vodka.

Pagsasabihan na sana ni Shaina si Novice sa ginawa nito sa sekretarya niya.

Ngunit, agad iniwas ni Shaina ang pansin sa mukha ng binata, naiilang siya sa pangngiti nito ng ganoon. Ewan niya naninibago talaga siya rito. Dati sobrang tipid itong ngumiti.

Lalo siyang nawindang nang mapadako ang pansin niya sa nakabukas na polo ni Novice. Biglang siyang napalunok ng wala sa oras, bigla siyang nag-init. Paano ba naman kasi, nakabalandara ang matikas nitong dibdib at ang pamatay nitong abs!

Nanigas siya at hindi niya alam ang gagawin ng bigla na lamang siyang akbayan nito ng walang pasabi.

"A-Ano ba N-Novice!"Hysterical niyang sambit. Mabilis niyang inalis ang kamay nitong nakadikit sa balikat niya. Parang may gumapang na bolta-boltaheng kuryenti roon. Kaunti na lang masasampal na niya talaga ito!

Tuloy-tuloy na siyang naglakad palayo, gusto niyang takpan ang sarili sa sobrang pamumula niya ng mga sandaling iyon. . .

MAIGI naman na pinagmasdan ni Novice si Shaina. Mukhang magiging madali rito na maisagawa ang lahat ng plano niya, katulad pa rin kasi ito ng dati.

Malakas ang pakiramdam ng binata na may nararamdaman pa rin si Shaina sa kanya.

Magagawa na niya ang gustong  mangyari, mas mahahawakan na niya sa leeg si Shaina. Kapag nagkataon ay ito na ang kusang bibigay sa kanya.

Matapos na makaupo ang dalawa at makapag-order si Shaina ng makakain ay nag-umpisa na itong usisain ng dalaga.

"So all this years Mr. De Guzman ay plano mo talaga ito?"mapang-uyam na tanong ni Shaina sa kaharap.

Muli isang halakhak ang naghari mula kay Novice. Nanlaki ang mga mata ni Shaina sa inasal nito, tuluyang naningkit ang mga mata ng dalaga.

Malakas na ipinukpok ni Shaina ang kamao sa lamesa, kaya upang matigilan ang binata.

Halos umusok ang ilong niya sa labis na gigil, habang si Novice ay ngiting-ngiti pa sa nangyari.

Lahat naman ng mga costumer na naroon ay naagaw na nila ng pansin.

"Hoy! Walang nakakatawa sa sinabi ko kaya umayos ka!"inis na sita ni Shaina.

"Ms. Monuz, sa tingin mo ba nasa ugali ko ang mag-plano ng ganito para. . ."ngunit hindi pa natatapos sa pagsasalita si Novice ay agad ng sumabad si Shaina.

"Oo naman! Kilalang-kilala kita. . .  ano sa tingin mo sa akin tanga? Hoy! hindi na ako katulad ng dati. Sa tingin mo kasi ay madali para sa'yo na paikutin ang mga tao sa paligid mo. Dahil may pera ka, puwes sinasabi ko na sa iyo. Hindi mo na magagawa ang mga ginawa mo dati noon sa akin at lalong-lalo na sa pamilya ko! dahil hindi na ako papatalo. Tulad mo may pera na rin ako!"Palaban na sabi ni Shaina. Kitang-kita sa mukha nito ang determinado.

"Tapos ka na ba?"malamig na tugon ni Novice.

"H-Huh?"nausal ni Shaina.

Tuluyan ibinababa ng binata ang baso, muli itong nagtawag ng waiter para sa iniinom nitong alak.

"Iyon ba ang inaasahan mong sasabihin ko Shaina, the mere fact na all this years ay wala akong kapaki-paki sa'yo. Sa naging buhay mo at kahit sa pamilya mo . . ."seryusong sambit ni Novice. Tutok na tutok sa kaharap ang matiim nitong titig.

Napabuka at naitikom ni Shaina ang bibig sa mga sandaling iyon ay bahagiya siyang nakaramdam ng takot.

Sa isang katulad ni Novice, walang imposible rito. Katulad noon . . . nakakaya pa rin nitong saktan siya hindi lang sa physical, ngunit maging sa salita.

"O-Okay, k-kung ganoon back to business tayo Mr. De Guzman. Ahmmm. . . i-settle na natin ang mga details ng kasal niyo ng bride mo."Agad na pag-iiba ni Shaina ng usapan.

Madami na siyang sinasabi ng muli niyang marinig ang baritonong boses ni Novice.

Agad ang paghayon ng tingin ng dalaga rito. Sa itsura nito ngayon, kung hindi lang sana naging pangit ang pinagsamahan nila noong una at nagtuloy-tuloy lamang sana sila. Marahil ay kinasal na sila at nagmamahalan.

Naiiling-iling na lamang ni Shaina ang ulo. Ewan niya kung bakit sumagi sa isip niya ang mga ganoong bagay. Gayong ikakasal na ito sa ibang babae.

Sa kaisipin na iyon ay tila nakaramdam ng pait sa kaibuturan bahagi ng puso si Shaina.

Mabilis niyang ipinaling ang ulo ng muling sambitin ng binata ang pangalan niya. Sa tuwing bibigkasin ng ganoon ni Novice ang pangalan niya ay nanlalambot siya.

"Shaina. . . hindi mo ba itatanong kung kanino ako ikakasal?"

Hindi agad siya nakahuma, napapaisip din siya. Kung sino ang malas na naging bride ng katulad nitong demonyo!

Poor soon to bride to be ika nga.

"Sino nga ba Mr. De Guzman?"Walang kapaki-paki niyang sabi.

Sa totoo lang she really don't care! Pero business iyon, malalaman din naman niya paglaon.

Napapitlag siya ng bigla na lamang hawakan nito ang palad niyang nasa ibabaw  ng lamesa. Napamulagat siya ng marahan nitong hilahin at walang pasintabi na hinalikan iyon ng binata. Biglang binalot ng kakaibang damdamin ang puso ng dalaga sa ginawing iyon ni Novice.

"Sino pa ba, kung 'di ikaw lang naman Shaina . . . soon to be my lucky bride!"sabay ng pagkindat nito sa kaniya.

"Baliw ka ba!"naisigaw ni Shaina, wala na talaga siyang pakialam kahit over react na siya. Agad niyang nahila ang kamay na hawak-hawak ng binata.

Mabilis niyang pinagsasamsam ang lahat ng mga gamit niya. Walang lingon-likod siyang umalis sa kinauupuan niya.

Ano man ang ginawang pagtawag ni Novice sa kanya ay hindi niya  pinansin.

Hanggang sa makapasok siya sa loob ng suite niya'y hindi pa rin ito makapaniwala sa nangyari.

Shock pa rin siya sa kinahinatnan ng naging pag-uusap nila ng ex niya.

Alam niyang ibang klase kong mag-isip ito, ngunit hindi aakalain ni Shaina na ganoon na kalaki ang kabaliwan nito. Ni sa hinagap ay hindi niya papangarapin maikasal sa isang katulad ni Novice De Guzman. Magpapakatandang-dalaga na lamang siya kaysa magpatali rito!