Chapter 4

Tulala ako kinabukasan dahil sa totoo lang ay hindi pa rin ako makapaniwala sa mga nangyari kagabi lalo na nang makita ko si Andrew. Paano nga kung nandito rin ang magaling kong asawa? Handa na ba talaga akong makipagkita muli sa kaniya?

"Ate, coffee?" pag-aalok sa akin ni Mitzy ng kape.

Nasa veranda nila ako ngayong umaga at doon ko napiling magmuni-muni dahil maaga akong nagising kahit na masakit pa ang ulo ko.

"Thanks, Mitz! Si Stella?" tanong ko sa kaniya.

Inabot naman niya muna sa akin ang tinimpla niyang iced coffee bago sumagot sa akin.

"She's still sleeping. Halatang sobrang dami na nainom niya kagabi," sagot nito sa akin pagkatapoas ay bahagyang natawa. 

Natawa rin ako at napatango dahil marami ngang nainom ang babaeng iyon. Balak ko na rin sanang umalis dito kanina pa nang magising ako kaya lang ay alam kong matagal na ulit kami magkikita ni Stella dahil parehas kaming magiging busy na naman sa kaniya-kaniya naming trabaho. Kailangan ko rin siyang makausap dahil hindi ko alam kung paano siya napunta kay Andrew kagabi.

Nanatili lang ako sa veranda at nagmuni-muni roon kasama si Mitzy pagkatapos ay nagpaalam na rin siya na magluluto ng almusal naming tatlo. Gusto ko nga sanang tumulong kaya lang ay ayaw ni Mitzy dahil bisita raw ako roon kahit na madalas ko namang pakialamanan ang bahay ni Stella noon pa. Hinayaan ko na lang siya sa gusto niya dahil masakit pa rin ang ulo ko.

Hindi ko alam kung nakailang hikab na ako roon habang nakatulala at paminsan-minsan naman ay nagi-scroll ako sa social media ko. Sobrang daming notifications doon at may mga pictures ako gabi na naka-tag sa akin. Mayroon pa na kasama ko ang isang celebrity at halos i-ship na naman kami ng buong sambayanan. Ang iba naman ay nangba-bash kaya halos mapairap at matawa na lang ako roon.

"Hey, what are you doing here?" tanong ni Stella galing sa likuran ko.

Napataas naman ang kilay ko at agad kong binaba ang phone ko bago lumingon sa kaniya.

"At bakit mo tinatanong? Bawal na ba ako rito?" mataray na pagtatanong ko sa kaniya.

Namamaga ang mga mata ni Stella nang tignan ko siya dahil siguro sa kalasingan niya kagabi. Natawa naman siya at agad na kinusot ang dalawa niyang mga mata bago umiling at magsalita.

"Of course not! Dito ka ba natulog?" pagtatanong niyang muli.

"Ano bang nangyari kagabi? Wala na akong matandaan bukod sa pagsasayaw ko kagabi sa dance floor?" dagdag na tanong pa niya.

Nagtaas naman ako ng kilay sa kaniya pagkatapos ay humalukipkip ako. Hindi ako naniniwala na wala siyang matandaan.

"Dancing with?" tanong ko sa kaniya habang nakataas ang isang kilay.

"With our friends! Duh?" sagot niya sa akin pagkatapos ay napairap pa.

Napangisi naman ako dahil nagpapalusot na naman ang isang ito. Kung hindi ko lang siya kilala ay baka kanina pa ako naniwala na wala talaga siyang natatandaan tungkol sa mga nangyari kagabi.

"Did you asked him if he's here or you just invited him here?" tanong ko sa kaniya.

Napakunot naman agad ang noo ni Stella na para bang hindi alam ang sinasabi ko kaya naman napahugot ako nang malalim na hininga at tumayo.

"Oh come on, Stella. Hindi mo ako madadaan sa gan'yan mo. I know you still remember what happened last night," sabi ko sa kaniya.   

Nakita ko ang pag-iwas ng tingin niya sa akin kaya alam ko na kaagad na nagsisinungaling siya.

"Don't tell me nahuhulog ka na naman sa matatamis na salita ng lalaking 'yon?" mapaghinalang tanong ko sa kaniya.

Kita ko naman kaagad ang gulat sa mukha niya kaya naman nagkibit ako ng balikat para ipakita sa kaniya na tama ako sa hinala ko sa kaniya.

"What?! No! Of course not! We just bumped to each other last night and he asked me for a drink. Kasama ko sila Marcus that time pero bigla silang nawala!" sunod-sunod na paliwanag sa akin ni Stella.

"Akala ko ba wala kang naaalala?" tanong ko muli sa kaniya.

Napapadyak na lang siya at napahilamos sa mukha kaya naman bahagya akong natawa dahil sa reaskyon niyang iyon.

"May gusto ka pa rin kay Andrew 'no?" pang-aasar na tanong ko sa kaniya.

"No way! At kahit kailan hindi ko nagustuhan ang lalaking 'yon. Naririnig mo ba ang sarili mo?" pagtatanggol niya sa sarili niya.

"Oh really huh? Kaya pala nahuli ko kayo noon na naghahalikan-"

"Oh my gosh, Lily! Stop it! Aksidente lang 'yon!" pagpipigil niya sa akin.

Hindi ko naman na napigilang matawa kaya napatango-tango na lang ako.

"Sumama lang ako sa kaniya kagabi to help you. Tapos aasarin mo lang ako ngayon?" sabi niya pagkatapos ay bumusangot pa.

Natawa naman ako dahil may point nga siya. Maaaring sumama nga lang siya kay Andrew para tulungan ako kay Cristiano.

"Yeah may point ka naman. So what's the update? Kasama niya ba ang magaling kong asawa?" tanong ko sa kaniya.

"He said no. Nagpunta lang siya rito for a congress meeting," sagot sa akin ni Stella.

"At kailan pa siya uma-attend sa ganoong meeting? I'm pretty sure he's with Cristiano!" sabi ko pagkatapos ay napairap pa.

"Yeah. Hindi rin ako naniniwala. So what if magkita kayong dalawa rito? Ano'ng gagawin mo?" tanong naman sa akin ni Stella.

Napahinto naman ako sandali at hindi na naman nakapagsalita pero napataas na lang ang noo ko at nagkibit ng balikat.

"Edi haharapin ko siya at ako mismo ang magbibigay sa kaniya ng mga documents para sa annulment naming dalawa," mayabang na sabi ko.

"Wow! Kaya mo? Tumatapang ka na yata?" mapang-asar na tanong sa akin ni Stella.

Inirapan ko na lang siya at hindi na muling nagsalita dahil kahit ako ay may duda ako sa sarili ko. Nararamdaman ko naman na kaya ko na siyang harapin at kausapin dahil hindi na ako ang Lily na nakilala nila noon. I've change a lot and I became a better. Masasabi ko na talaga sa sarili ko na isa akong strong and independent woman and no one can change that anymore.

Sobrang dami kong napagdaanan sa buhay. Dumating ako sa point na talagang na-disappoint ko ang mga taong sobrang mahahalaga sa akin. Dumating din ako sa point na nawalan na ako ng pag-asa para sa sarili ko, para sa buhay na ibinigay sa akin ng mga magulang ko. Halos mawala ako sa sarili nang mawalan ako ng anak. Nawala siya sa akin nang hindi ko man lang nakikita at nahahawakan.