CHAPTER 80

HINDI matawaran ang saya ni Triana dahil sa mga nangyari. Parang natanggal ang malaking bara sa kanyang puso nang magkaliwanagan sila ng asawa. They would have a fresh start. Nag-usal siya ng pasasalamat sa langit dahil sa wakas ay buo nang muli ang pamilya nila at wala nang anumang balakid.

Sinulit nila ang bakasyon sa private resort ni Caleb. Masayang-masaya naman ang mga anak nila dahil nagsawa ang mga ito sa paglangoy sa dagat.

“Thanks for letting us stay here. We had fun.” Tinapik ni Devance ang braso ni Caleb nang magpaalam na silang uuwi na pagkatapos ng tatlong araw.

“Don’t mention it. You guys are welcome here anytime.” Ngumiti si Caleb. Katabi nito si Anya na nakapulupot ang kamay sa braso ng lalaki.

“We’re going.” Nakipag-beso si Triana kay Anya. Samantalang humalik naman ang kambal sa pisngi ng magkasintahan.

“Bye, Papa Caleb and Auntie Anya!” Halos sabay na saad nina Ravi at Rini.

“We’ll see you again.” Magiliw na saad ni Anya.

Agad na umalis ang pamilya ni Triana