Kabanata 257

Nabulabog ang lahat nang tuluyang kumalat ang balitang nawawala si Venus. Hindi ko alam kung paano nabalitaan ni Olive pero nadatnan ko sya sa sala pagbaba ko, umagang-umaga. Kasama niya si Kleen na mukhang inistorbo niya para magdrive ng auto.

Napatayo siya bago pa man ako makababa ng hagdan. “What the hell is happening? Bakit nawawala si Venus?” Iyon ang bungad niya sa akin.

“Hindi ko rin alam. We already contacted Daimler. Hindi rin nya mahanap si Venus.”

“Jesus! Naitanong mo na ba sa agency nya?”

“No. Ngayon pa lang ako pupunta roon.”

“Sasama ako! Let's go!”

“Ate, may trabaho pa ako.” Napakamot sa ulo si Kleen.

“Oh, sige, umuwi ka na. Sasama ako kay Alliyah. Sabihin ko kay Mama mabilis lang ako.”

“Ihahatid ko na lang ang ate mo pauwi, Kleen.”

Kausap ko si Russel habang nagmamaneho. Umaalingawngaw ang boses niya sa bluetooth speaker ng aking sasakyan.

“Nasaan kayo?” I asked.

“Hindi ko alam kung saan papunta si Daimler. I'm just following his car.”

“Mag-ingat kayo. Si Arcel, kasama b