Kabanata 256

“Welcome po sa A.M.C!” rinig kong bati ni Gil sa mga bagong dating na visitors.

Matatapos na ang work hours pero may mga humahabol pa rin. Nagliligpit na rin ako ng mga gamit bilang paghahanda sa pag-alis. Natapos ko nang isalansan ang mga form at document, malinis na ang aking mesa. Balak kong mag-early out dahil pupuntahan ko si Venus. Ilang araw na syang hindi nagpaparamdam sa akin at nag-aalala na ako nang husto. Ang huling balita nya'y tatlong araw na raw buhat nang makalabas ng hospital si Tiyo Banny. Ang sabi pa niya ay sa dating bahay nila nakatira ngayon si Tiyo Banny, malapit sa farm.

Ang ipinag-aalala ko lang ay kung nasaan si Venus ngayon. Ilang araw ko na syang kinukulit sa text ngunit wala syang ni isang tugon. She missed all my calls these past few days. Hanggang ngayon ay wala syang paramdam.

Nang makuntento sa nakikitang hitsura ng aking opisina'y nagpasya na akong umalis. Mabilis lang ako nagpaalam sa mga kasama ko.

Tinapik ko si Gil na kasalukuyang naglilinis din n