Chapter 34

Chapter Thirty Four

Beelzebub’s First Love

SA ISANG malayong kagubatan malayo sa bayan kung nasaan ang bahay nina Beelzebub na binigyan ng hindi inaasahang pagbisita ni Escanor, ay kalalapag lang ng paanan ni Zeldris sa lupa at ibinaba si Rana at Victoria sa pagkakahawak niya.

“Sigurado ka bang hindi tayo matutunton ng isa niyo pang kapatid dito?” tanong ni Victoria kay Zeldris na naglalakad papunta sa may malaking puno at pabagsak na umupo at sumandal doon habang nakatingin sina Rana sa kaniya.

“Huwag kang mag-alala bampira, hanggat tinatago ko ang presensya ko hindi tayo matatagpuan ni Escanor sa lugar na ‘to. Kaya hindi mo kailangang mag-alala, mabubuhay ka pa ng matagal.”saad ni Zeldris na bahagyang ikinaingos ni Victoria.

“Kasing gwapo siya ni kamahalan pero ayoko sa ugali niya.”bulong ni Victoria kay Rana na bahagya nitong ikinatawa.

“Rinig kita bampira, hindi masamang humanga sa gwapo kong mukha pero huwag kang mahulog. Ayoko sa babaeng may mga pangil.”ngising saad ni Zeldris n