Chapter 28

Brianna

Dahil sa nangyari ay pinagbawalan muna ako nina Mommy at Daddy na makipag-usap kay Dean. Walang reklamo na sinunod ko ang kagustuhan nila. Alam ko naman kasi na hindi naman forever na pagbabawalan nila akong kausapin si Dean. Ngayon lang iyan na hindi maganda ang sitwasyon. Kaibigan kasi ng mga magulang ni Dean ang pamilya ni Ivy kaya ayaw ng mga magulang niya na malagay sa nakakailang na sitwasyon ang pamilya ni Dean.

"Sinaktan ka na naman ng Ivy na iyon?" galit na tanong ni Peter nang malaman niya ang nangyari sa akin. Pumasok kasi ako sa school na may benda ang aking kaliwang kamay kung saan natapunan at namaga ang aking kamay. "Sumusobra na siya. Halika, puntahan natin siya."

Kaagad kong pinigilan si Peter nang bigla siyang tumayo sa kinauupuan niya at akmang susugod sa classroom nila Dean.

"Stop it, Peter! Mas palalalain mo lang ang sitwasyon."

"Nakita mo na kung ano ang nangyayari sa pagkakagusto mo sa lalaking iyon, Brianna? Walang nangyayaring maganda. Napapaaway ka la